भांगरभूंय | प्रतिनिधी
पणजी : गोंयांत शुक्रारा मध्यम स्वरुपाच्या पावसाची नोंद जाली. हवामान खात्यान 13 आनी 14 ऑगस्ट मेरेन मध्यम स्वरुपाच्या पावसाची शक्यताय उक्तायल्या. ते खातीर ह्या दोन दिसां खातीर यलो अलर्ट जारी केला. जाल्यार 9 ते 12 ऑगस्ट मेरेन कसलोच अलर्ट दिवंक ना. गोंयांत 1 जून ते 8 ऑगस्ट मेरेन सरासरी 80.39 इंच पावसाची नोंद जाल्या.
शुक्रारा पणजे चडांत चड 29.8 अंश जाल्यार उण्यांत उणें 24.6 अंश सेल्सियस तापमानाची नोंद जाली. मुरगांवां चडांत चड 28.2 अंश जाल्यार उण्यांत उणें 24.4 अंश सेल्सियस आशिल्लें. फुडलें पांच दीस चडांच चड 29 ते 30 अंश जाल्यार उण्यांत उणें तापमान 24 ते 25 अंश सेल्सियस मेरेन आसपाची शक्यताय हवामान खात्यान उक्तायल्या. गोंयांत 24 वरांत सरासरी 0.1 मिलीमिटर पावसाची नोंद जाली. हे मजगतीं सांग्यार 1.1 मिमि पावसाची नोंद जली. गोंयांत 1 जून ते 8 ऑगस्ट मेरेन धारबांदोड्यां सगल्यांत चड 109.23 इंच पावसाची नोंद जल्या. जाल्यार सांग्यार 106.53 इंच, वाळपय 103.47 इंच, केप्यां 101.33 इंच पावसाची नोंद जाली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
