भांगरभूंय | प्रतिनिधी
भांगरभूंय । प्रतिनिधी
पेडणेः पेडणेचो आमदार प्रवीण आर्लेकार आनी मांद्रेंचो आमदार जीत आरोलकार हांणी सगल्या संबंदीत खात्यांच्या अधिकाऱ्यांची बसका घेवन पावसा पयलींची कामां पुराय करपाक तांकां सांगलां. मात जे रस्ते वीज केबल्स घालपा खातीर खणल्यात ते पावसा पयलीं सारके करतले काय कितें असो प्रश्न लोकांक पडला.
जे रस्ते खणल्यात पावसा पयलीं सारके केले ना जाल्यार येरादारीची समस्या उप्रासतली आनी लोकांचे तिडकेक लोकप्रतिनिधींक तोंड दिवचें पडटलें. रस्ते जे तरेन फोडून उडयल्यात ताचे वयल्यान पावसाच्या उदकाक व्हांवन वचपाक वाट नाशिल्ल्यान तें लोकांच्या घरांनी वचपाची भिरांत आसा.चडशीं गटारां पुरवल्ल्यान दोंगर माथ्या वयलें आनी रस्त्या वयलें उदक खंयच्यान वतलें हाचो सध्या अदमास करप कुस्तार आसा.
मांद्रे मतदारसंघांतल्या रस्त्याची स्थिती सामकी धोक्याची जाल्या. तुयें पंचायत वाठारांतले रस्ते निकामी जाल्ल्यात. जमनीपोंदच्यान वीज केबली घालपा खातीर कंत्राटदारान तुयें, मोरजी, पार्सें, मांद्रे वाठारांत रस्ते खणून दवरल्यात. फुडल्या आठ दिसांत रस्तो सारके करपाचें काम हातांत घेतले अशें मांद्र्चो आमदार जीत आरोलकारान सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
