भांगरभूंय | प्रतिनिधी
खबरां संस्था
कोलंबोः कँडी आनी कोलबोत सध्या व्हडा प्रमाणांत पावस पडपाक लागल्ल्यान आशिया कप सर्तीच्यो मॅची दुसरे सुवातेर व्हरपाचो विचाच सद्या सुरू जाला. पावसाक लागून भारत आनी पाकिस्तान हाचे मदलीं पयली मॅच शेनवारांक रद्द करची पडिल्ली.
श्रीलंकेंत कोलंबोत पावसाक लागून हुंवारा सारकी परिस्थिती आसा. दुसरे वटेन कँडींत अदीं-मदीं पावस पडत आसा. अशे स्थितींत सुपर- 4 टप्प्यांतल्यो मॅची राजधानी कोलंबोतल्यान हेर कडेन व्हरपाची शक्यताय आसा.
आशियाई क्रिकेट परिशद आशिया कपाच्या सुपर 4तल्या मॅचींच्यो सुवातो बदलपाचो विचार करता अशी खबर प्रसार माध्यमांनी दिल्या. ते संबंदीची चर्चा सुरू जाल्या. आयसीसीचो अध्यक्ष जय शाह सगले परिस्थितीचेर लक्ष दवोरून आसा. कोलंबोतल्या इबाडल्ल्या हवामानाची म्हायती सगल्या पंगडांक दिल्या. मॅची डांबुला आनी पल्लेकेले हांगा आयोजीत करपाचो विचार सध्या चल्ला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
