भांगरभूंय | प्रतिनिधी
पावसाळो सुरू आसलो तरी हवामानात जावपी बदल, खर उश्णताय, दमट वातावरण हाका लागून ह्या हंगामांत थंडी सयत जायते संसर्गजन्य दुयेंसाची लागण जाता. ह्या हंगामात डेंग्यू, मलेरिया ह्या दुयेंसांची वाड जाता. ॲनोफिलीस जराळांक लागून मलेरिया पातळटा अशें जाणकार सांगतात. जोर, घाम येवप, थंडी जाणवप आनी खर तकली दुखप हीं मलेरियाचीं कांय लक्षणां. सध्या देशांत डेंग्यू आनी मलेरिया दुयेंतींचो आंकडो वाडत आसा.
मलेरिया कित्याक लागून जाता?
मलेरिया आशिल्ल्या मनशाक जराळान चाबल्या उपरांत हो दुयेंस जाता आनी ताच्या संसर्गातल्यान तो पातळपाक लागता. जराळान मनशाक चाबल्या उपरांत त्या मनशाच्या रगतांत कांय प्रमाणांत विखारी संसर्ग मिक्स जाता आनी हाका लागून संसर्ग वाडटा आनी पाताळटा.
मलेरियाचे कांय मुखेल प्रकार….
प्लास्मोडियम फाल्सीपेरम (पी. फॅल्सीपेरम)
प्लास्मोडियम मलेरिया (पी. मलेरिया)
प्लास्मोडियम व्हायवॅक्स (पी. व्हायवॅक्स)
प्लास्मोडियम ओव्हल (पी. ओव्हल)
प्लास्मोडियम नोलेसी (पी. नोलेसी)
फाल्सीपेरम मलेरियाक लागून जिणेक गंभीर धोको निर्माण जाता. यकृत आनी मूत्रपिंड निकामी जाल्ल्यान मनीस कोमांत लेगीत वचूंक शकता. हाचे उरफाटें पी. व्हायवॅक्स हें संसर्ग उणें आसता. पूण ताचो परिणाम म्हयनोभर उरुंक शकता. ताका लागून मलेरियाचीं लक्षणां चड करून दिसतात.
मलेरियाचीं लक्षणां…
मलेरियाचीं लक्षणां सुरवेक सामान्य फ्लू सारकींच आसतात. पूण मागीर ती वाडत रावता.
० जोर येवप
० अचकीत थंडसाण जाणवप, स्वास घेवपाक त्रास जावप
० तकली उसळप
० आंग दुखप
० खोकली
० उलटी जावप
मलेरिया पसून राखण कशी करप?
० मलेरियाची लागण जावची न्हय म्हूण खंयच्याय उक्त्या कातीचेर तज्ञांच्या सल्ल्यान DEET आशिल्लें कीटकनाशक वापरचें.
० तुमच्या न्हिदपाच्या कुडीत जराळा पसून राखण दिवपा खातीर मच्छरदाणी वा कीटकनाशक वखदां वापरात.
० मलेरियाची जराळ पातळ आसता ताका लागून तुमच्या कपड्यांतल्यान ती चाबूंक शकतात. देखून कपड्याचेरूय कीटकनाशकांचो स्प्रे मारचो.
० स्ट्रीड फूड खावप टाळचें.
० घरां भोंवतणचो वाठारा नितळ दवरात. उदक सांठपाक दिवं नाकात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
