भांगरभूंय | प्रतिनिधी
पावस सुरू जाला. हंगामांत ताजे हवेचो उस्वास घेवंक मेळ्ळो तरी ताका लागून एलर्जी आनी संसर्ग जावपाचो धोको वाडटा. हवेंतल्या ओलसाणीक लागून रोगजंतूंची वाड जाता, जाका लागून रोगप्रतिकार शक्त घटमूट आसप खूब म्हत्वाचें. अशे परिस्थितींत पुश्टीक तत्वांनी आशिल्लें अन्न आमकां आदार करता. हे विशीं म्हायती दितना दोतोर पावसाच्या दिसांनी निरोगी आहार घेवपाचें म्हत्व सांगतात.
पावसाच्या दिसांनी एलर्जी आड लढपाक आनी आंतकड्यांचे भलायकेक आदार दिवपाक सात खाणां खावपाचीं.
१) हळद: ह्या मसाल्यांत कर्क्यूमीन हें बळिश्ट अँटी- इन्फ्लमेंटरी आनी अँटिऑक्सिडेंट आसता, जें रोगप्रतिकार शक्त वाडयता आनी एलर्जीची प्रतिक्रिया उणी करता.
२) आलें : हातूंत दाहक आनी प्रतिजैव गुणधर्म आसतात. आलें पचन करपाक आदार करता, दाह उणो करता आनी स्वास घेवपाच्या समस्यां आड झुजपाक मदत करता.
३) लसूण : सैमीक प्रतिजैव आनी अँटीव्हायरल पॉवरहाउसांनी भरपूर आशिल्लें लसूण रोगप्रतिकार शक्त घटमूट करता आनी सामान्य थंडी आडावपाक आदार करता.
४) धंय : प्रोबायोटीक आशिल्लें धंय पचनक्रिया सुदारता आनी आंतकड्यांनी निरोगी बॅक्टेरिया वाडयता. तशेंच रोगप्रतिकार शक्त वाडयता आनी गॅस्ट्रोइंटेस्टाइनल इन्फेक्शनाक आळो हाडटा.
५) कारातीं : भाजयेचें नांव आयकून दोळे वयर घुंवडावंक नाका! कारातीं बॅक्टेरिया विरोधी गुणधर्म पचन तंत्र निवळ करतात आनी रगतांतली साकर वेवस्थीत दवरपाक मदत करतात.
६) पाचव्या पानांच्यो भाजयो : पालक सारकिल्ल्या पाचव्या भाजयांनी जिवनसत्वां, खनिजां आनी अँटीऑक्सिडेंट भरपूर प्रमाणांत आसतात. ताका लागून तुमची रोगप्रतिकार शक्त घट जाता आनी संसर्ग जावपाचो धोको उणो जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
