भांगरभूंय | प्रतिनिधी
भांगरभूंय । प्रतिनिधी
काणकोणः संवसारीक नामनेच्या पाळोळें दर्या दगेर सद्या विदेशी आनी देशी पर्यटकांची सामकी गर्दी जाता. सप्तकाच्या निमाणे हांगा येवपी लोक आपलीं वाहना दर्या वेळ वाठारांत कश्या कशीं पार्क करून दवरतात. ताचो पर्यटक तशें साबार लोकांक सामको त्रास जाता.
देशी पर्यटकांक पाळोळें आयल्या उपरांत वाहना पार्क करून दवोरपाक पार्किंल लॉटांत सुवात मेळना. ताका लागून रस्त्या कुशीक आनी मेळत थंय वाहना दवोरून ते दर्या वेळेर वतात. 1998 वर्सा काणकोण पालिका मंडळान पाळोळें दर्या देगेर सुमार 4 हजार चौखण मीटर सुवात विकती घेवन थंय पार्किगाची वेवस्था केल्ली. ही सुवात पार्किंगाक पावना तातूंत थंय टॉयलेट ब्लॉक, चेंजीग रूमांची वेवस्था केल्या. ताका लागून ह्या पार्किंक लॉटांत प्रत्यक्षांत दोन डझन वाहनां पार्क करपाक मेळटात.
सप्तकाच्या निमाणे तशेंच सुटयेच्या दिसांनी पाळोळें दर्या देगेर पर्यटकांची गचमुड्डी जाता. वाहना पार्क करपाक सुवात नाशिल्ल्यान कांय पर्यटकांक काणकोण तालुक्यांतल्या हेर दर्या वेळांनी वच्चें पडटा. हॉटेलांत पयलीं बुकींक करून आयिल्ल्यान आपली वाहनां हॉटेला सावन दोन-तीन किलोमीटर पयस पार्क करून चलत हॉटेलांत येवचें पडटा. पाळोळअया सद्या रस्ते रुंद करपाक लेगीत जमीन ना अशी परिस्थिती आसा.
पाळोळें हांका बरी पार्किंग सुवात आनी रस्त्यांचो विशय काणकोण पालिका मंडळाचे दरेका बसकेंत चर्चेक येता. आदलो आमदार इजिदोर फर्नांडीस हांणी विधानसभेंत लेगीत व्हो प्रश्न उपस्थीत केल्लो. पाळोळ्या भोव माळी पार्किंगाची वेवस्था करपाची गरज रमाकांत नायक गांवकारान नगराध्यक्ष जातगीर सांगल्लें. ह्या कामाक प्राधान्य दितले अशें ताणे जाहीर केल्लें. काणकोण पालिका मंडळान हे संबंदी प्रस्ताव पास केला आनी सरकाराक धाडला अशी म्हायती पालिका सूत्रांनी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
