भांगरभूंय | प्रतिनिधी
फोंडें : पाळी पंचायत वाठारांतल्या आमुर्ले आनी खाजन वाठारांत फाटल्या कांय दिसां सावन गांवठी बॉम्ब जमिनींत पुरून रान दुकरांची शिकार करपाचे प्रकार वाडल्यात. बॉम्ब पुरून दवरिल्ल्यान ह्या वाठारांत दुर्घटना जावपाची शक्यताय उक्तायल्या. रान खात्यान हे विशीं खर लक्ष दिवपाची मागणी थळावे करतात.
आमुर्ले आनी खाजन वाठारांत सध्या गांवठी बॉम्ब जमनींत पुरून रान दुकरांची शिकार करतात. रातच्या वेळार बॉम्ब फुटपाचो आवाज लोकांक येता. न्हंये पलतडीं आशिल्ल्या वाघुर्में गांवांतूय गांवठी बॉम्ब फुटपाचो आवाज आयकुपाक येता. ताका लागून रातच्या वेळार ह्या वाठारांत राज्यभरांतल्यान खास व्यक्ती शिकार करपाक येतात, अशें दिसून येता. कांय दिसां पयलीं वाघुर्में वाठारांत व्हडा प्रमाणांत गांवठी बॉम्ब पुरून रानवटी दुकरांची शिकार करताले. प्रसारमध्यमां वरवीं हे भायर फुटिल्ल्यान शिकार करपाचे प्रकार बंद जाले. मात अनवळखी व्यक्तींनी आतां आमुर्ले आनी खाजन वाठारांत हे प्रकार परत सुरू केल्ल्याचें दिसून येता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
