भांगरभूंय | प्रतिनिधी
भांगरभूंय । प्रतिनिधी
म्हापशेंः पालवी जेलर म्हणून बडटी दिल्ल्या विठोबा शेट्ये हांका बंदखणीत पोस्टिंग दिवपाचे सुवातेर ताची बदली बंदखण म्हानिरीक्षकाच्या कार्यालयांत करपाचो प्रकार बंदखण प्रशासनात केल्ल्यान कर्मचारी अजाप करतात. शेट्ये हे हेडगार्ड म्हणून बंदखण म्हानिरीक्षकाच्या कार्यालयांत काम करतालो. कोलवाळ बंदखणींत पालवी जेलरांचो उणाव आसतना ताकां बंदखण म्हानिरीक्षकाच्या कार्यालयांत दवोरपा फाटलें कारण कळपाक शकलें ना.
कोलवाळ बंदखणींत पालवी जेलरांची 7 जागे रिकामे आशिल्ले. फाटल्या 27 मार्चाक तातूंतली चार पदां लक्ष्णण गांवस, विठोबा शेट्ये, विश्वनाथ कुर्टीकार आनी रामदास गांवस ह्या हेडगार्डांक बडटी दिवून बंदखण प्रशासनात भरली. तांणी आपल्या पदाचो ताबो घेतलो. मात 30 मार्चाक शेट्ये हांणे बंदखणींत वचून आपल्या पदाचो ताबो घेतलो आनी कांय वरां भिरत ताची बदली बंदखण म्हानिरीक्षकाच्या कार्यालयांत केली.
शेट्ये हेडगार्ड म्हणून रुजू जाय सावन म्हानिरीक्षकाच्या कार्यालयांत सेवे आशिल्लो. बडटी मेळी तरी ताचे कडेन कनिश्ठ पदाचें कामकाज करपाची जापसालदारी दिल्या. कर्मचारी वर्गाचें खच्चीकरण करपाचो व्हो प्रकार आसा अशें कर्चाऱ्यांचें म्हणणे आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
