भांगरभूंय | प्रतिनिधी
भांगरभूंय । प्रतिनिधी
दिवचलः सद्याचे विद्यार्थी बुद्दिमत्तेंत कमी आसतान मात तिका चालना दिवपाची गरज आसता. पालकांनी भावनीक वागणूक आनी मायेची थाप दिवपाची गरज आसता. वेव्हारीक जिणेंत ह्यो दोनूय गजाली आमी विसरिल्ल्यान भुरगींय आमचे पसून पयस वतात हें दिसता. भुरगीं अभ्यास करतना ताचे हें एक कारण आसा. म्हणून पालकांनी वेळांत वेळ काडून भुरग्यांक आपलेशें करून तांकां समजून घेवपाची सामकें गरजेचें जाला, अशें आयडीएल हायस्कुलाचो निवृत्त मुख्याध्यापक रामचंद्र गर्दे हांणी सांगलें.
पैरा हायस्कुलाच्या धावी आनी णवेचे विद्यार्थी आनी तांच्या पालकां खातीर आयोजीत केल्ल्या मार्गदर्शन शिबिरांत मुखेल सोयरे म्हणून ते उलयताले. माचयेर हायस्कुलाचे मुख्याध्यापक बाळकृष्ण गांवस आनी सुभाष साळगांवकार आशिल्लो. भुरग्यां कडल्यान अभ्यास करून घेतना कितें करपाची गरज आसा आनी तें कशें करप हे विशींच्यो पालकांच्यो अडचणी गर्दे हांणी समजून घेतल्यो आनी त्यो कश्यो पयस करप हाची तांकां म्हायती दिली.
सुरवेक पालकांच्या वतीन मुखेल सोयरो आनी मुख्याध्यापकाक गुलाब दिवन येवकार दिलो, कार्यावळीचें सूत्रसंचालन सुभाष साळगांवकारान केलें आनी पूनम सुर्लकारान उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
