भांगरभूंय | प्रतिनिधी
भांगरभूंय । प्रतिनिधी
फोंडेंः मुरंगे-साकोड्डें हांका काय वर्सां आदी थळाव्या लोकांक चलत वचपा खातीर पानसवाडो आनी मुरंगें हाचे मदीं बांदल्लो पांय पूल सद्या कमकुवत जाला. कांय वर्सां आदीं नवो पूल बांदल्ल्यान ह्या पुलाचो आतां वापर जायना. ताचे कठडे सद्या मोडपा कडेन पावल्यात. दुर्घटना घडचे पयलीं व्हो पूल एकतर मोडून उडोवचो ना जाल्यार तो बंद करचो अशी थळाव्या लोकांची मागणी आसा.
गांवांतली येरादारी वाडल्ल्यान सरकारान थंय नवो पूल बांदला. पोरणो पूलाचो कोण वापर करता. ताचे लोखणाचे वार्रांव चोरून व्हरपाचे प्रकार घडटात. तांबडीसूर्ल हांगा महादेवाचें कदंब तेपा वयलें देवूळ पळोवपाक येवपी लोक ह्या पुलाचो वापर सेल्फी घेवपा खातीर करतात. आयतार आनी सुटयांच्या हेर दिसांनी ह्या पांय पूलार वचून सेल्फी काडपा खातीर पर्यटक गर्दी करतात. ह्या पुलार खेती व्हडा प्रमाणांत येतात आनी तें लेगीत सद्या एक आकर्शण जावपाक लागलां. व्हो पूल लोकांच्या वजनान मोडून पडल्यार व्हडली दुर्घटना जावपाची भिरांत आसा.
साकोड्डेचो आदलो सरपंच दीनानाथ गांवकार हाका पुला विशीं विचारलें तेन्ना ताणे व्हो पूल पर्यटकां खातीर धोक्याचो थारला. ताचेर वचनाकात अशी सूचोवणी दिवपी तकटो थंय लावपाक जाय अशे तांणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
