भांगरभूंय | प्रतिनिधी
वाळपय: आयतारा रातीं 8.45 वरांच्या सुमाराक पाडेली सत्तरी हांगाचो ऋषीकेश राजेश गावडे ह्या 22 वर्सा पिरायेच्या तरणाट्याक अपअपघातांत मरण येवपाची दुर्दैवी घडणूक घडाली. हो तरणाटो गावडेवाडो पाडेली सत्तरी हांगाचो.
वाळपय पुलिसांनी दिल्ले म्हायती प्रमाण ऋषीकेश गावडे आपली दुचाकी जीए 04 एन 3283 होंडा एक्टिवा घेवन गुळेलीचे दिशेन वतालो. दुचाकी वेलें ताचें नियंत्रण सुटलें आनी रस्त्याचे कुशीक आशिल्ल्या चिऱ्याचेर ताणे धपको दिलो. ह्या वेळार ताका खर मार बसलो. हेल्मेट नाशिल्ल्यान तकलेक खर जखम जाली.
हे विशींची म्हायती मेळटकूच शेखर लक्ष्मण सावयकार हांणी ताकतिकेन वाळपयच्या सरकारी समाजीक हॉस्पिटलांत दाखल केलो. पूण वैजकी अधिकाऱ्यांनी ताका मरण आयिल्ल्याचें जाहीर केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
