भांगरभूंय | प्रतिनिधी
11 ते 14 एप्रील मेरेन नवो पाटो पूल बंद
भांगरभूंय । प्रतिनिधी
पणजी : दुरुस्तीच्या कामा खातीर पणजी शारा कडेन वचपी नवो पाटो पूल सकाळीं बंद दवरिल्ल्यान प्रवाशांक मनस्ताप जालो. वांगडा येरादारेची कोंयडीय जाली. सदांचे संवये प्रमाण गाडयो वतना अचकीत येरादारी घुंवडायली. काजू दरबार वाठारांत गाडयो रावताल्यो. हाका लागून सकाळीं 10 उपरांत खूब वेळ येरादारेची कोंयडी जाली. सुचवण्यांचे तकटे आनी येरादारी पुलिसांक लागून येरादारी कोंयडीचें प्रमाण उणें जालें. पाटो पुला वयल्या एक्स्पान्शन जॉयंटची दुरुस्ती भौशीक बांदकाम खात्या वरवीं चालू आसा. हाका लागून 11 ते 14 एप्रील मेरेन नवो पाटो पूल बंद दवरला. हे विशींची अधिसुचवणी उत्तर गोंय जिल्लोधिकार्यांनी बिरेस्ताराच जारी केल्या. शेनवार आनी आयतार सुटी आशिल्ल्यान पणजे येवपी गाडयांचो आंकडो उणो आसता. हाका लागून शुक्राराचे तुळेंत फुडले दोन दीस येरादारीचें प्रमाण उणें आसतलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
