भांगरभूंय | प्रतिनिधी
पणजी : दुरूस्तीच्या कामा खातीर पणजी शारा कडेन वचपी नवो पाटो पूल सकाळीं बंद दवरिल्ल्यान प्रवाशांक मनस्ताप जालो. वांगडा येरादारी कोयंडीय जाली. सदचे संवये प्रमाण वाहनां वतना अचकीत येरादारी वळयिल्लीं. काजू दरबार वाठारांत वाहनां थारतालीं. हाका लागून सकाळीं धा उपरांत बरोच वेळ येरादारी कोयंडी जाली.
तरी सुचवण्यांचे तखटे आनी येरादारी पुलिसांक लागून काळा प्रमाण येरादारी कोयंडीचें प्रमाण उणें जालें. पाटो पुलावेल्या एक्स्पान्शन जॉयंटची दुरूस्ती भौशीक बांधकाम खात्या वरवीं सुरू आसा. हाका लागून ११ ते १४ एप्रील मेरेन नवो पाटो पूल बंद दवरला. हे विशींची अधिसुचवणी उत्तर गोंय जिल्लोधिकार्यांनी बिरेस्ताराच जारी केल्या. शेनवार आनी आयतार सुटी आशिल्ल्यान पणजे येवपी वाहनांचो आंकडो उणो आसता. हाका लागून शुक्राराचे तुळेंत फुडले दोन दीस येरादारीचें प्रमाण उणें आसतलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
