भांगरभूंय | प्रतिनिधी
कळशी मोर्चा काडपाची लोकांची शिटकावणी
वाळपय: सध्या उश्णतायेचें प्रमाण बरेंच वाडलां. हाका लागून सत्तरी म्हालांतल्या जायत्या गांवांनी सेगीत पिवपाचें उदक नासता. हाका लागून लोकांक बरेच त्रास सोंसचे पडटात. वाळपय मतदारसंघांतल्या खोतोडा ग्रामपंचायत वाठारांत आशिल्ल्या पाटवळ गांवांत फाटल्या स दिसां सावन पिवपाचें उदक ना. हाका लागून नागरिकांनी तिडक उक्तायल्या.
हांगा पिवपाचें उदक नाशिल्ल्यान जायत्या समस्यांक तोंड दिवचें पडटा. वाळपय उदका पुरवण कार्यालयाच्या अधिकार्यां कडेन संपर्क करून हे विशीं सांगलें. मात ताचे कडेन कोणेंच लक्ष दिवंक ना. दोन दिसांनी पिवपाच्या उदकाची समस्या सुटना जाल्यार, वाळपय उदका पुरवण कार्यालयांत कळशी मोर्चा व्हरपाची शिटकावणी पावळ गांवच्या लोकांनी दिल्या. तेच प्रमाण आमदार तशेंच मंत्री विश्वजीत राणे हांणी लक्ष दिवचें आनी हांगा निर्माण जाल्ली पिवपाच्या उदकाची समस्या सोडोवची अशी मागणी गांवच्या लोकांनी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
