भांगरभूंय | प्रतिनिधी
गुंजारावाला, खबरां संस्था: पाकिस्तान अर्थीक संकश्टांत आशिल्ल्याच्यो बातम्यो आमकां दर दिसा पळोवपाक मेळटात. पाकिस्तानांतल्या गरिबांचो उल्लेख खबरांनी जायत आसता.अशें आसून लेगीत एका भीक मागपी कुटुंबान आपले आज्जेचें ४० वे श्राद्ध घालें. तातूंत तांणी एक कोटी रुपया खर्च केल्यात. २० हजार लोक ह्या जेवणाक हजर आशिल्ले. हे विशींची एक व्हिडियो सोशल मिडियाचेरूय व्हायरल जाता. ही ‘दावत’ सध्या चर्चेचो विशय थारल्या.
पाकिस्तानच्या गुंजारावालाच्या भीक मागून जगपी कुटुंबान आजयेच्या श्राद्धाच्या जेवणाची कार्यावळ बरीच व्हड केली. हे दावतीक आमी पुराय पाकिस्तानाक जेवण घालां. ह्या जेवणाक मटण बिर्यानी, मुरब्बा, कोल्ड ड्रींक आनी छोटा गोश्त जिन्नस लोकांक वाटिल्ले, अशें तांणी सांगलें.
ह्या जेवणाची सुरवात परंपरीक च्यायेन जाली. सांजेवेळार जेवणाक रुच्चीक जिन्नस वांटले. २५० बोकड्यो कापिल्ल्यो. हातूंत कोमल मटण, नान मटरगंज सारकिल्लें गोड शीत आशिल्लें. गाजर, एॅपलाचे जायते जिन्नस, तरातरेचीं कोल्ड्रीक्स आशिल्लीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
