भांगरभूंय | प्रतिनिधी
पीआयबीन फटींग व्हिडियो फाटलें दिलें स्पश्टीकरण
श्रीनगर, खबरां संस्था: पहलगाम आतंकवादी हल्ल्यांत २६ जाणांक मरण आयले उपरांत भारतान पाकिस्तानाक ट्रॅप करपाचो यत्न केलो. भारत तितल्याचेरूय थारनासतना पाकिस्तानाच्या आतंवादी थळांचेरूय हल्लो केलो. ७ मेच्या मध्यानेर सुमार देड वरांचेर भारतान पाकिस्तानाच्या ९ आतंकवादी अड्ड्यांचेर एअर स्ट्रायक केलो. हाका जाप म्हणून पाकिस्तानानूय भारताचेर हल्लो केलो. मजगतीं कांय पाकिस्तानी समर्थक चुकीचे व्हिडियो व्हायरल करतात. हातुंतल्यान पाकिस्तानाच्या हवाई दळा कडल्यान श्रीनगर एअरबेसीचेर हल्लो केल्ल्याचो दावो करतात. मात, हे दावे फट आशिल्ल्याचें पीआयबी फॅक्ट चेकान म्हणलां.
भारतीय लश्करान पाकिस्तानाचेर एअर स्ट्रायक केले उपरांत पाकिस्तानानूय कांय पावलां उबारलीं. कांय आदले व्हिडियो शेर करून भारतांतल्या श्रीनगरांत हल्लो केल्ल्याचो दावो ते करतात. पाकिस्तानाच्या हवाई दळान श्रीनगर एअरबेस लक्ष्य केल्ल्याचो दावो ह्या व्हिडियोंतल्यान केला. मात हे व्हिडियो श्रीनगराचे न्हय अशें पीआयबी फॅक्ट चॅकान स्पश्ट केलां. म्हत्वाचें म्हळ्यार हे व्हिडियो भारताचेय न्हय अशेंय स्पश्ट केलें.
व्हायरल जावपी ते व्हिडियो खंयचे?
पीआयबी फॅक्ट चॅकान म्हणलें, २०२४ वर्सा पाकिस्तानाच्या खैबर पंख्युनख्वा हांगच्या संघर्शा वेळावेलो हो व्हिडियो. हाका लागन चड म्हायती खातीर भारताच्या अधिकृत स्रोतांचेरूच निंबून रावात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
