भांगरभूंय | प्रतिनिधी
600 कोटी रुपयांचीं घुंवळे वखदां जप्त, 14 खलाश्यांक अटक
गुजरांत, खबरां संस्था ः गुजराताच्या दर्यादेगेर आयिल्ल्या पाकिस्तानी तारवांतल्यान आयतारा कोस्ट गार्डान 600 कोटी रुपयांची 86 किल घुंवळे वखदां जप्त केल्यात. ह्या प्रकरणांत तारवांतल्या 14 खलाश्यांक अटक केल्ल्याची म्हायती दर्यावेल्या सुरक्षा यंत्रणेन दिल्या.
शेनवारा रातीं अरबी दर्यांत आतंकवाद विरोधी पंगड (एटीएस) आनी नार्कोटिक्स कंट्रोल ब्युरो (एनसीबी) हांच्या समन्वयान ही कारवाय करून ड्रग्स जप्त केल्ल्याची म्हायती मेळ्ळी. हे कारवाये खातीर कोस्ट गार्डचीं तारवां आनी विमानां तैनात केल्लीं. ह्या ड्रग्स व्हरपी तारवांतल्यान 14 खलाशींक अटक केल्या उपरांत तांकां पोरबंदर हाडल्यात.
गुजरात, राजस्थानांत धाड, 230 कोटींचे एमडी जप्त
आतंकवाद विरोधी पंगडान गुजरात आनी राजस्थानांतल्या चार ड्रग्स तयार करपाच्या सुवातींचेर धाड घालून 230 कोटींचे मोलाचें मेफ्रेडोन (एमडी) जप्त केलां. ह्या प्रकरणांत 13 जाणांक अटक केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
