भांगरभूंय | प्रतिनिधी
कराची, खबरां संस्था ः पाकिस्तानांतल्या पंजाब प्रांतांतल्या नारोवाल जिल्ह्यांतल्या बाओली साहिब हिंदू देवळाचो जीर्णोद्धार करपा खातीर पाकिस्तान सरकारान 1 कोटी रुपयांचो निधी मंजूर केला. आतां 64 वर्सां उपरांत हें देवूळ बांदतले. हे खातीर हिंदू नागरिकांनी खोशी उक्तायल्या. 1960 सावन हें देवूळ जीर्ण अवस्थेंत आसा.
‘द हिंदुस्तान टायम्स’ च्या बातमे प्रमाण पाकिस्तानांतल्या अल्पसंख्यांकांच्या पुजेच्या थळा कडेन संबंदीत आशिल्ली इव्हाक्यू प्रॉपर्टी ट्रस्ट ही संस्था हें देवूळ बांदतली. ह्या देवळाची बुन्याद खणपाचें कामूय सुरू जालां. देवळांचें बांदकाम पुराय जातकच हें देवूळ पाक धर्मस्थान समिती कडेन दितले अशें म्हण्टात.
फाटलीं 64 वर्सां ह्या गांवांत हिंदू लोकांक पुजेची सुवात नाशिल्ल्यान हिंदूंक लाहोर वा सियालकोटच्या देवळांनी वचून पुजा करची पडटाली. ते खातीर गांवचे लोक हें देवूळ बांदपाची मागणी करताले. ते खातीर पाक धर्मस्थान समितीय फाटलीं 20 वर्सां हें देवूळ बांदपा खातीर वावर करताली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
