भांगरभूंय | प्रतिनिधी
नवी दिल्ली, खबरां संस्था : पाकिस्तानांत येत्या त्या ८ फेब्रुवारीक वेंचणूक जाता. ते खातीर २१०० टन वजनाच्या २६ कोटी मतपत्रिका छापल्यात. मात, हांगा मतमेजणी वेगान जाता आनी वेंचणुकेच्या दिसाच रातीं उसरां कांय निकाल जाहीर करतात.
पाकिस्तानाची एकूण लोकसंख्या २१.९७ कोटी, एकूण मतदार १२.६९ कोटी, एकूण मतपत्रिका २६ कोटी, मतदान केंद्रां ९०.६७ हजार. दादले मतदार ६.८५ कोटी, बायलां मतदार ५.८४ कोटी, अल्पसंख्यांक मतदार ३६ लाख, हिंदू मतदार १८ लाख.
हे वेंचणुकेक १८ हजार उमेदवार उबे रावल्यात. संसद आनी चार विधानसभां खातीर ८ फेब्रुवारीक ही वेंचणूक जातली. पंजाब, सिंध, खैबर पख्तुनख्वा आनी बलुचिस्तान ह्यो त्यो विधानसभा. संसदेंत ३३६ जागे आसात. २६६ जनरल, १० राखीव (बिगर मुस्लिमां खातीर) आनी ६० बायलां खातीर राखीव.
मतदान पत्रिकांचो आकार ल्हान केला. पांचव्यो संसदे खातीर तर धव्यो विधानसभे खातीर, अशें वेंचणूक अधिकाऱ्यांनी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
