पांच न्हंयो जंय एकठांय येतात

भांगरभूंय | प्रतिनिधी

भांगरभूंय । खबरां संस्था

मुंबय ः संवसारांत भारतांतली ‘पाचनद’ ही एकसुरी सुवात जंय पांच न्हंयो एकठांय येतात. ही सुवात उत्तर प्रदेशांतल्या जालौन आनी इटावा हांचे शिमेचेर आसा. ताका ‘सैमाचें दान’ अशेंय म्हण्टात, कारण असो अद्वितीय संगम चुकूनच पळोवपाक मेळटा. यमुना, चंबळ, सिंध, कुंवरी आनी पहाज ह्यो पांच न्हंयो मेळपाची ही संवसारांतली एकमेव सुवात. ताका ‘पाचनदाक महातीर्थराज’ अशेंय म्हण्टात.
पाचनदविशीं जायत्यो कथा फामाद आसात, पूण सगळ्यांत चड लोकप्रीय महाभारताची कथा. पांडव वनवासाच्या काळांत पाचनादच्या भोंवतणी रावताले अशें महाभारतांत म्हळां. ह्या जाग्यार भीमान बकासुराक मारिल्लो.
हाचे कडेन संबंदीत आशिल्ली आनीक एक नामनेची कथा म्हळ्यार मुचकुंद ऋषींची. ती आयकून तुलसीदासजीन एक फावट ताची परिक्षा घेवपाचें थारायलें. तुलसी दासजीन ह्या जाग्यार येवन उदक मागलें. मागीर मुचकुंद ऋषींन आपल्या कमंडलांतल्यान सोडिल्लें उदक केन्नाच सोंपलें ना आनी तुलसीदासजीन मुचकुंद ऋषीक नमस्कार करचो पडलो अशें हांगाच्या लोकांची श्रद्धा आसा.