भांगरभूंय | प्रतिनिधी
केंद्र सरकाराची ही येवजण बायलां खातीर फायद्याची
नवी दिल्ली, खबरां संस्था: विंगड विंगड घटकांक स्वावलंबी करपा खातीर केंद्र सरकारान जायत्यो विशेश येवजण्यो सुरू केल्यात. तशेंच सरकारान रस्त्यारच्या विक्रेत्यां खातीर पीएम-स्वानिधी येवजण सुरू केल्या.
तशेंच बायलांक स्वावलंबी करपा खातीर नवी स्वर्णिम रीण येवजण (New Swarnima Loan Scheme) सुरू केल्या. नॅशनल बॅकवर्ड क्लासेस फायनान्स अँड डेव्हलपमेंट कॉर्पोरेशनचे (NBCFDC) हे येवजणे वरवीं सरकार मागासवर्गीय बायलांक मुजत रीण दिवन स्वावलंबी करपाक सोदता.
पात्रताय
नवे स्वर्णिमा येवजणे खाला केंद्र/राज्य सरकारान वेळा काळार सुचवण्यो केल्ले प्रमाण मागासवर्गीय बायलो रिणा खातीर पात्र आसतल्यो. अर्जदाराचेञ वर्सुकी कुटुंबीक उत्पन्न ३.०० लाख रुपयां परस उणें आसचें. येवजणे खाला उपलब्ध रिणाची रक्कम सामान्य रिणाच्या व्याजदरा परस उणी आसा.
रिणाची रक्कम कितली आसा?
येवजणेच्या कक्षेंत येवपी बायलां लावार्थींक चडांत चड २ लाख रुपयांचें रीण मेळटा. येवजणे खाला रक्कम वित्त पुरवण करपाची पद्दत कांय प्रमाणांत अशी आसा.
NBCFDC रीण: ९५%
चॅनल भागीदार योगदान: ०५%
व्याजदर
हे येवजणे खाला वर्सुकी ५ टक्के इतको व्याजदर आसा. त्याच वेळार रिणाचो परतावो चडांत चड ८ वर्सांनी करतले. रिणाची ईएमआय तीन म्हयन्यांनी आधाराचेर भरचें पडटा. हे येवजणेंत अटी सयत स म्हयनेय फुडें धुकलपाक शकता. हे येवजणे विशीं चड म्हायती टोल फ्री क्रमांक १८००१०२३३९९ वा www.nbcfdc.gov.in हे वेबसायकीट तुमी भेट दिवपाक शकता.
फाटली तीन वर्सां कितल्या जाणांक जालो लाव
फाटल्या तीन वर्सांत येवजणे खाला मजत केल्ल्या लावार्थ्यांचो आंकडो उणो आसा. समाजीक न्याय आनी अधिकारिता राज्यमंत्री केएम प्रतिमा भौमीक हांणी लोकसभेंत एका प्रस्नाचे लेखी जापेंत सांगलें, २०२०-२१, २०२१-२२, २०२२-२३ ह्या वर्सांनी विंगड विंगड राज्यांतल्या लावार्थ्यांचो आंकडो ६१९३, ७७६४., ५५७३ असो आसतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
