भांगरभूंय | प्रतिनिधी
पणजी: पहलगामच्या आतंकवादी हल्ल्याक लागून फाल्यां (बिरेस्तार) वाडदीस मनोवचो ना, असो निर्णय मुख्यमंत्री डॉ. प्रमोद सावंत हांणी घेतला. वाडदिसा निमतान कार्यकर्ते तशेंच बरें मागप्यांच्यो परबीं स्विकारपा खातीर आपूण हजर रावचों ना. मात, पक्षान राबयिल्लें रक्तदान आनी हेर सेवा कार्यावळी चालूच उरतल्यो, अशी म्हायती बुधवारा सचिवालयांत घेतिल्ले पत्रकार परिशदेंत तांणी दिली.
धर्माच्या नांवाखाला जम्मू-काश्मिरांतल्या पहलगाम जाल्लो आतंकवादी हल्लो निंदा करपा सारको आशिल्ल्यान ताचो आपूण निशेध करतां. हो हल्लो जावचे पयलीं गोंयचीं दोन जोडपीं थंय आशिल्लीं. मात हल्लो जावचे पयलीं, कांय मिनटां पयलीं तीं थंयच्यान भायर सरलीं. सध्या गोंयचे २६ नागरीक जम्मू-काश्मीर वाठारांत आशिल्ल्यान, तांकां बरेभशेन गोंयांत हाडपाचे यत्न सुरू आसात, अशेय मुख्यमंत्री डॉ. सावंत हांणी नमूद केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
