भांगरभूंय | प्रतिनिधी
दीपिका पदुकोण, रिचा चड्ढा आनी यामी गौतम ह्यो अभिनेत्री बेगीनूच आवयो जावपाच्यो आसात. ह्या सगळ्यांची पिराय ३५ वर्सां परस चड आसा. आतां मेरेन ३० पिराय ही गर्भधारणे खातीर उत्कृश्ठ पिराय मानताले. मात, बॉलीवूड अभिनेत्रीं प्रमाण खुबशीं बायलां ३० वा ३५ वर्सां उपरांत प्रेगनेंट जातात. ३५ पिराये उपरांत प्रेगनेंट जावप कितलें सुरक्षीत आनी हे पिरायेचेर प्रेगनन्सी कित्याक कठीण मानतात, हे विशीं तज्ञां कडल्यान जणून घेयात.
३५ पिराये उपरांत प्रजनन तांक उणी जाता?
तज्ज्ञ सांगतात, बायलां मदीं जल्माक येताच तांतयांचें उत्पादन जाता. हाचो अर्थ तुमी २०, ३० वा ४५ व्या वर्सा प्रेगनेंट जावपाक सोदतात जाल्यारूय गर्भधारणेक मजत करपी मादी तांती ल्हानपणा सावनूच तुमचे भितर तयार जावपाक लागता. हीं तांतयां शरिरांत जितलो काळ तिगून उरतलीं तितलोच जल्मूंक नाशिल्ल्या भुरग्यां खातीर गंभीर गुणसूत्र विकृतींचो धोको उणो आसता. जर तुमी ३५ पिराये उपरांत प्रेगनेंट जावपाक सोदतात जाल्यार भुरग्यां मदीं डावन सिंड्रोमचो धोको चड आसपाक शकता.
३० पिराये उपरांत बायलांची प्रजनन तांक उणी जावपाक लागता. जरी खुबश्या बायलांक सुरवातेक समस्या जाणवना. ३५-३६ उपरांत कांय बायलांची प्रजनन तांक चड आसता जाल्यार कांय जाणांची उणी जावपाक लागता. तशेंच वाडपी पिराये वांगडा तातयांचो आंकडोय देंवपाक लागता. तशेंच ३० उपरांत गर्भधारणे कडेन संबंदीत हेर समस्यांचो धोकाय वाडपाक लागता.
कसले तरेच्यो आडखळी येवपाक शकतात?
तज्ञांच्या मतान वाडपी वयाक लागून आवयांक खुबश्या समस्यांक तोंड दिवचें पडूं येता.
३५ पिराये उपरांतच्या प्रेगनेंट बायलां मदीं नॉर्मल डिलिव्हरी आनी सिझेरियन वा सी-सेक्शन डिलिव्हरी मजगतीं आडखळी येवपाचो धोक वाडटा. तशेंच रगत घट्ट वप, रगताचे गुळे तयार जावप आनी डीप व्हेन थ्रोम्बोसीस अश्योय समस्या ३० उपरांत बायलां मदीं दिसून येतात.
निरोगी प्रेगनेन्सी खातीर
३५ उपरांत सुरक्षीत सुरक्षित आणि निरोगी प्रेगनेन्सी खातीर आपली जिवनशैली निरोगी करप गरजेचें. ताका लागून ह्यो गजाली लक्षांत दवरात:
काऊन्सिलींग
प्रेगनेन्सी पयलीं तुमच्या डॉक्टराक मेळात. तुमचो वैजकी इतिहास, भलायके विशीं समस्या आनी प्रेगनेन्सी खातीर गरजेच्यो वैजकी तपासण्यो आनी चांचण्या विशीं चर्चा करात.
वैजकी तपासणी
प्रेगनेंट जावचे पयलीं लैंगीक संक्रमीत संसर्गाची तपासणी करात.
निरोगी जिवनशैली
सदांच व्यायाम करात, ताण वेवस्थेपने खातीर योग्य पद्धती वापरात आनी पुश्टीक खायात. हें सगळें प्रजनन तांक वाडयता आनी गर्भधारणे मजगतीं मजत करतात.
ह्यो पुश्टीक घटकांचो आसपाव
तुमच्या जेवणांत फॉलीक ऍसीड आनी हेर गरजेच्या जिवनसत्वांचें प्रमाण वाडयात. समुपदेशन करात आनी डॉक्टरांनी सांगिल्ल्यो तपासण्योय करात.
स्वताची काळजी घेयात
रगतांतलो साखरेची पातळी नेमान तपासची. स्वताक भावीक आनी मानसीक नदरेन निरोगी दवरपा खातीर स्वताची काळजी घेयात आनी खोशी रावात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
