भांगरभूंय | प्रतिनिधी
म्हयन्या मेरेन समितीचो अहवाल: सुभाष शिरोडकार
पणजी : गोंंय, महाराष्ट्रा उपरांंत आयतारा कणकुंंबी, कळसा हांंगाच्या म्हादय पात्राची पळोवणी केले उपरांंत आयज प्रवाह समितीची बंंगळुरूंत बसका जातली. म्हादय पात्राच्या पळोवणी अहवालाचेर बसकेंत चर्चा जावपाची आशिल्ल्यान ही बसका म्हत्वाची आसा. प्रवाह समिती म्हयन्या मेरेन पळोवणीचो अहवाल दितली. समितीच्या अहवालाचेर हांंव उलोवंक शकना, अशें उदका पुरवण खात्याचे मंंत्री सुभाष शिरोडकार हांंणी स्पश्ट केलें
आयतारा प्रवाह समितीन कणकुंबी, चापोली प्रस्तावीत धरण, नेरसे हांंगा भेटी दिवन कळसा भंंडुरा प्रकल्पाच्या थळाची पळोवणी केली. कळसा नाल्याची पळोवणी केले उपरांंत कोटनी धरणाक समितीन भेट दिली. प्रवाह समितीच्या वांंगड्यांं सयत जलसंपदाचे सचीव सुभाष चंंद्रा, उदका पुरवण खात्याचे मुखेल अभियंंते प्रमोद बदामी, अधिक्षक अभियंंते दिलीप नायक हाजीर आशिल्ले. कणकुंंबी हांंगा बसका जाली, अशी म्हायती गोपांनी दिली.
प्रवाह समिती कडल्यान म्हादय पात्राची पळोवणी बिरेस्तारा सावन सुरू जाली. प्रवाह समितीच्या प्रवाह समिती पयलेच खेपे गोंय, महाराष्ट्र आनी कर्नाटकांत म्हादयच्या पात्राची पळोवणी करतात.
बिरेस्तारा, शुक्रारा गोंयांतल्या पात्राची पळोवणी पुराय जाली.
गोंय, महाराष्ट्र आनी कर्नाटक ह्या तीन राज्यां मदीं म्हादयचो वाद आसा. हो विशय सर्वोच्च न्यायालयांत प्रलंंबीत आसतना देखरेख दवरपा खातीर प्रवाह समितीची स्थापणूक जाली. 27 मे 2023 दिसा प्रवाह समिती अधिसुचीत जाली.अधिसुचोवणी जारी जाले उपरांंत एका वर्सांन समितीन म्हादयच्या पात्राची पळोवणी केली. पळोवणी उपरांंत उदक घुंंडावपा खातीर कर्नाटका कडल्यान ज्यो हरकती सुरू आसात, ताची म्हायती प्रवाह समितीच्या वांंगड्यांंक मेळटली, अशें मुख्यमंत्री डॉ. प्रमोद सावंंत हांणी हाचे पयलींच स्पष्ट केलांं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
