भांगरभूंय | प्रतिनिधी
भांगरभूंय । प्रतिनिधी
पर्वरीः पर्वरी रायझींग वतीन आयतार 26 फेब्रुवारीक पर्वरी सर्व्हिस रस्त्याचेर चवथ्या ‘नोमोझो ‘चें (नो मोटर झोन) आयोजन केलां. पर्वरी रायझिंगाचो सचीव सुरज बोरकार हाणे ही म्हायती दिली. कोरोना म्हामारीक लागून फाटल्या दोन वर्सांत हो उपक्रम करपाक मेळ्ळो ना. अंदू व्हो उपक्रम पर्यटन खात्याच्या पालवान व्हडा दबाज्यान जातलो अशें तांणे सांगलें.
सध्या येरादारी व्हडा प्रमाणांत वाडल्ल्यान मोटर विरयत रस्त्यांची सामकी गरज आसा. नोमोझोच्या माध्यमांतल्यान सगल्या लोकांक एकठांय हाडून तांचे मदीं एक समाज ही संकल्पना वाडीक लावपाचो आमचो यत्न आसा अशें पर्यटन मंत्री आनी पर्वरेचो आमदार रोहन खवंटे हांणे सांगले. 2020 मेरेन व्हो उपक्रम सुरू करून लोकशक्तीची पॉवर आमी दाखोवन दिली अशेंय तांणे सांगलें.
अंदूचे नोमोझोंत आयटी विभागांत 3डी प्रिन्टींग तंत्रगिन्यान, ड्रोन मॅकेनिझम आनी रोबोटिक्स हाची म्हायती लोकांक दितले. भुरग्यांक ताची म्हायती आपलो फुडार घडोवपाक मेळटली. गोंयचे स्टार्ट अप्स हातूंत वांटेकार जातले अशे खवंटे हांणी सांगलें.
अदूंच्या नोमोझोंत हेरिटेज झोन, कराटे झोन, बॉक्सिंग झोन, सादरीकरण झोन, म्युझिक झोन, फोटोग्राफी झोन, कला, क्रफ्ट झोन, फिटनेस झोन आनी डान्स, झुंम्बा झोनाचो आसपाव आसतलो अशें नोमोझोचो संयोजनक निनील डिसोझा हाणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
