भांगरभूंय | प्रतिनिधी
पणजी : गोंयच्या आल्तो-पर्वरेच्या एका रेसिडेन्सी कॉम्प्लॅक्सांत बेकायदेशीरपणान रोयिल्लो १.२८ लाखांची हायड्रोपॉनीक ह्या उच्च दर्जाच्या गांज्याचीं रोंपां घुंवळे वखदां विरोधी पंगडान जप्त केलीं. ह्या प्रकरणांत दोगांक अटक केल्या.
पिशवेंत रोयिल्ले गांजाचे पांच रोंपे, १६ ग्राम गांजो आनी २२ ग्राम हायड्रोपॉनीक गांजाच्या रोपांचो जप्त केल्ल्या सामानांत आसपाव आसा. ताची वट्ट किंमत १ लाख, २८ हजार, ६०० रुपया इतली आसा.
१७ फेब्रुवारीक मध्यान रातीं घुंवळे वखदां विरोधी पंगडान छापो मारलो. तातूंत वयल्या गांजाचे रोंपे सांपडले. मुळाव्या तपासांत हे रोंपे कोणेंतरी मुद्दाम लायिल्ल्याचें दिसून येतांच पुलिसांनी दोगांक ताब्यांत घेवन तपासा उपरांत अटक केली.
हे विशीं गुन्यांव नोंद केला. पंगडाचे अधीक्षक नेर्लन आल्बुकर्क, पुलीस अधीक्षक सुनिता सावंत, पुलीस निरीक्षक सगुण सावंत हांच्या मार्गदर्शना खाला उपनिरीक्षक विकेश हडफडकार अदीक तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
