भांगरभूंय | प्रतिनिधी
म्हापशें: हालींच पर्वरेच्या पिडीए कॉलनींत एका दुकानांत कोल्ड्रींक घेवपाक गेल्ल्या एका चोरान बायलेच्या गळ्यांतलें मंगळसूत्र कोचून काडून थंयच्यान पळ काडिल्लो. हे चोरयेचो व्हिडियोय व्हायरल जाल्लो. ह्याच व्हिडियोच्या आदारार पुलिसांनी तेन्ना अब्दुल रेहमान (३२) हाका अटक केल्ली. आतां साळगांव पुलिसांनी आनी एकल्या दुबाविताक अटक केल्या. ताचें नांव इक्रम अख्तर (३६, मंगळूर, मुळ- हरिद्वार, उत्तराखंड) अशें आसा. अटक केल्ल्या इक्रम हाका दोन दिसांची पुलीस बंदखण दिल्या.
२५ डिसेंबराक पर्वरे पिडीए वाठारांत ही भांगराची सरपळी चोरून व्हेल्ल्याची घडणूक घडिल्ली. मेधा आगशीकार ही आपल्या दुकानांत बशिल्ली. तेन्ना तिच्या दुकानांत एकलो आयलो आनी तिचे कडेन कोल्ड्रींक मागलें. ताका कोल्डींक दिवपा खातीर मेधा उठली तेन्ना त्या चोरान मंगळसूत्र कोचून काडून पळ काडिलो. ताचे वांगडा मोटारसायकलीचे आनीक एक आशिल्लो. ही चोरयेची घडणूक सिसीटीव्ही कॅमेर्यांत कैद जाल्ली. ह्या प्रकरणांत उपनिरीक्षक अक्षय फातर्पेकार अदीक तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
