भांगरभूंय | प्रतिनिधी
पणजी : पर्वरे- म्हापशें मार्गार इलीवेटेडे कॉरीडॉरच्या (फ्लायओवर) फुडल्या टप्प्यांतल्या कामा खातीर आतां येरादारींत व्हड बदल करचे पडटले. पर्यटनमंत्री आनी पर्वरीचे आमदार रोहन खंवटे हांणी आयज सकाळीं अधिकार्यां सयत कामाची पळोवणी केली. ह्या वेळार म्हापशेंचे आमदार जोशुआ डिसोझा हाजीर आशिल्ले. पर्वरी महिंद्रा शोरूमा मुखार सुरू आशिल्ल्या कामाची तांणी पळोवणी केली. उत्तर गोंयचे जिल्लोधिकारी अंकीत यादव आनी पुलीस अधिकार्यांक तांणी म्हत्वाच्यो सुचवण्यो केल्यो.
इलीवेटेड कॉरीडॉराच्या कामाक लागून म्हापशें- पणजी मार्गावेल्या प्रवासाक सध्या वरा परस चड वेळ लागता. हो वेळ कसो उणो करपाक मेळटलो? हाचेर विचार करून ते प्रमाण येरादारी वेवस्थेंत बदल करतले.
रस्त्याचें डांबरीकरण करचें
मजगतीं, सध्या कांय कडेन एक पदरी मार्ग केल्ल्यान येरादारी तुंबता. ते तीन पदरी केल्यार आनी ताचें गुळगुळीत डांबरीकरण केल्यार येरादारी सुरळीत जातली अशें कांय प्रवाशांनी सांगलें. तशेंच म्हत्वाचें काम सुटयेच्या दिसा आनी रातचें 9 ते सकाळीं 7 मेरेन करचें, अशी मागणीय तांणी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
