भांगरभूंय | प्रतिनिधी
भांगरभूंय । खबरां मेज
पणजीः मुख्यमंत्री डॉ प्रमोद सावंत हांचे हस्तुकीं हालींच पर्वरी हांगा खवंटे होंडा शोरूमाचें मानेस्ताचे हाजेरीतं उक्तावण जालें. ह्या वेलार होंडा मोटरसायकल आनी स्कूटर इंडियाचे विभागीय मुखेली सचीन पवार, पर्यटन मंत्री रोहन खवंटे, दिवचलचो आमदार डॉ चंद्रकांत शेट्ये, मांद्रेचो आमदार जीत आरोलकार, सुनंदा खंवटे, खंवटे होंडाचे वेवस्थापकीय संचालक राजेश खवंटे हाजीर आशिल्ले.
खवंटे होंडान गोंयतल्यो आपलो 6वो शोरूम सुरू केल्ले खातीर मुख्यमंत्र्यांनी तांकां परबीं भेटयली आनी गोंयच्या तरणाट्यांनी ऑटोमोबायल आनी पुरक सेवा वेवसाय गोंयकारांच्या हातांत उरचो हे खातीर ह्या वेवसायांत येवचें, अशें आवाहन केलें. 12 मे 2004 दिसा आमी आमचो राज्यांतलो पयलो शोरून सुरू केल्लो. अंदू 12 मेक पर्वरेचो पयलो आनी गोंयांतलो 6वो शोरून सुरू करपाक आमकां खोस जाता अशें राजेश खवंटे हांणी प्रसार माध्यमां कडेन उलयतना सांगलें.
पर्वरीच्या खवंटे होंडा शोरूमांत विक्री, सेवा आनी स्पेरपार्ट संबंदीच्यो सगल्यो सुविधा आसात. आमी आमच्या शोरूमांनी रोजगारां संबंधी गोंयकारांक प्राधान्य दितात. सध्या आमचे कडेन 200 गोंयकार कर्मचारी आसात अशी म्हायती राजेश खवंटे हांणे दिली. गिरायकांक बरी सेवा दिवपाची आमची परंपरा आसा आनी पर्वरीच्या शोरूमांत ती चलंत आसतली. ह्या शोरूमाचो लाब पर्वरी, हळदोणें आनी कळंगुटेच्या लोकांक जातलो अशें ताणे सांगलें.
खवंटे होंडाचे दिवचल, पेडणे, वाळपय आनी कळंगुटे शोरूम आसात. म्हापश्यां मुखेल डिलरशीप आसा
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
