भांगरभूंय | प्रतिनिधी
तीन जखमी, जीएमसींत उपचार, एकल्याक डिस्चार्ज
भांगरभूंय । प्रतिनिधी
पणजी : पर्वरी उड्डाण पुलाचें काम नेटान चालू आसा. आयतारा गिरी वाठारांत चालू आशिल्ल्या उड्डाण पुलाचो (इलिवेटेड कॉरिडोर) स्पॅनाचो एक सेंगमेंट देड मिटर उंचाये वयल्यान खाला पडलो. हे घडणुकेंत तीग जाण जखमी जाल्यात. जखमींक उपचारा खातीर जीएमसींत दाखल केले. तातूंतल्या एका जखमीक उपचारा उपरांत डिस्चार्ज दिलो.
उड्डाण पुलाच्या स्पॅनचो एक सेगमेंट पडिल्ल्यान हे सुवातेर भंयाचें वातावरण निर्माण जालां. ह्या वेळार येरादारीची कोंयडीय जाली. पुलिसांनी घडणुके सुवातेर वचून येरादारी आदले वरीं सुरळीत केली. फ्लायओव्हराच्या दोन खांब्यां मदीं बसयतात त्या काँक्रिटाच्या स्लॅब/ पट्ट्याक स्पॅन म्हणटात. 14 वा 17 सेगमेंट (ब्लॉक) एकमेकाक जोडले उपरांत एक स्पॅन तयार जाता. एका स्पॅना मदलो एक सेगमेंट क्रेनीचे मजतीन उखलतना देड मिटर उंचाये वयल्यान सकयल पडलो, अशी म्हायती बांदकाम खात्याच्या कार्यकारी अभियंत्यांनी दिली.
हो सेगमेंट अडेज मिटर उंचायेर गेलो तेन्ना इलेक्ट्रीकल फॉल्ट निर्माण जाल्ल्यान तो सकयल देंवयताले, अशी म्हायती अभियंत्यान दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
