भांगरभूंय | प्रतिनिधी
फाल्यां एनआयओंत कार्यावळ
भांगरभूंय | प्रतिनिधी
पणजीः दरवर्सा प्रमाण जावपी मनोहर पर्रीकार विज्ञान महोत्सव अंदूं पर्रीकार हांच्या जल्मदिसा म्हणल्यार शुक्रारा 13 डिसेंबराक जातलो. एनआयओ सभाघरांत जावपी मुखेल कार्यावळींत डॉ. हबील लुसिना वोजनियाक, अणू उर्जा आयोगाचे आदले अध्यक्ष डॉ. अनील काकोडकार आनी मनोहर पर्रीकार युवा विज्ञानीक पुरस्कार फावो जाल्ले डॉ. मोहितकुमार जॉली हांचीं व्याख्यानां जातलीं. व्याख्यानां उपरांत विद्यार्थ्यांक विज्ञानिकांक प्रस्न विचारपाची संद मेळटली.
आदले मुख्यमंत्री सर्गेंस्त मनोहर पर्रीकार हांच्या जल्मदिसा गोंय सरकार दर वर्सा विज्ञान महोत्सव मनयता. अंदूं एनआयओंतले कार्यावळींत मुख्यमंत्री डॉ. प्रमोद सावंत हे मुखेल सोयरे म्हूण हाजीर आसतले. तांचे हस्तुकीं मनोहर पर्रीकार युवा विज्ञानीक पुरस्कार भेटोवपाची कार्यावळ जातली. ह्या वेळार मनोहर पर्रीकार हांच्या जिविताचेर आदारीत लघुपटाचें प्रदर्शन जातलें. अणू उर्जा आयोगाचे आदले अध्यक्ष डॉ. अनील काकोडकार, एनआयओचे संचालक डॉ. सनील सिंग उक्तावण सुवाळ्याक हाजीर आसतले. उक्तावणा उपरांत डॉ. अनील काकोडकार, डॉ. हबील लुसिना वोझनियाक आनी डॉ. मोहितकुमार जॉली हांचीं व्याख्यानां जातलीं.हे कार्यावळी पयलीं मुख्यमंत्री डॉ. प्रमोद सावंत हे मिरामारचे पर्रीकार हांचे समाधीचेर फुलांचो झेलो ओंपून तांकां आदरांजली ओंपतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
