भांगरभूंय | प्रतिनिधी
म्हजें मत
आराडी – पर्राच्या (बार्देश) ‘पर्रा- वेर्ला- काणका’ क्रेडीट सोसायटी लागसार सुरक्षे खातीर आनी शक्य आशिल्लें लुकसाण आनी अपघात उणे करपा खातीर पावसाचो हंगाम सुरू जावचे पयलीं स्पीड बम्प बांदपाचें काम पुराय करचें अशी मागणी गांवकारांनी केल्या. रस्त्याचो हॉट मिक्स जावचे पयलीं थंय स्पीड बम्प आशिल्ले.
स्पीड बम्पाचे म्हत्व मतींत घेवन बांदकाम खात्यान तो बांदचो, जाका लागून वाहनांचो वेग उणो जातलो आनी अपघातांचो धोको उणो जातलो, कारण थंय येरादारी खूब आसा. दोन जंक्शन आसात आनी वाहनांचो वेग हो हुस्को करपा सारको आसा.
त्या झॅड रस्त्याच्या जंक्शनाचेर येरादारीक लागून जायते अपघात जाल्यात म्हणून स्पीड बम्प बांदप खूब म्हत्वाचें. तो वाठार अपघात प्रवण वाठार मानतात. उदका पायपलायनीक लागून खणिल्ल्यान स्पीड बम्प जायते फावटीं नश्ट जाल्लो. सद्या रस्त्याचेर फकत रेडियम रंगोवन स्पीड बम्प चिन्न करतात, पूण स्पीड बम्प अस्तित्वांत नात.
लोकांची जाणविकाय जाल्ल्यान थळावे लोक आपल्या वाहनांक ब्रेक लायनात, पूण अज्ञात रायडर्स अचकीत गाडयो ब्रेक मारतात, मागीर गाडयेच्या फाटल्यान धपको बसता, जाका लागून भौशीक जिणेक धोको निर्माण जाला. रस्त्यांचेर आशिल्ले स्पीड बम्प कित्याक तशेच सोडल्यात?
राजेश बाणवलीकार
वेगासवाडो- हडफडे (बार्देश)
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
