भांगरभूंय | प्रतिनिधी
पणजी: पर्येंच्या (सत्तरी) सरकारी मुळावे शाळेंत एक भिरांकूळ घडणूक घडली. वर्ग सुरू आसतना चवथे यत्तेंत शिकपी एके विद्यार्थिनीचेर फॅन पडलो. चलयेच्या कानाक घावो जाला. तिका सांखळेच्या भलायकी केंद्रांत व्हेली. मागीर फुडल्या उपचारां खातीर म्हापशेंच्या आझिलो हॉस्पिटलांत धाडली.
चड म्हायती प्रमाण, शाळेची इमारत हालींच बांदून पुराय केल्ली. पीडब्ल्यूडीचे अधिकारी, संबंदीत कंत्राटदारान घडणुके सुवातेर वचून पळोवणी केली. घडणुकेची गंभीर दखल घेवन सत्तरीचे भाग शिक्षण अधिकारी अजित गांवस परिस्थितीची मोलावणी करपाक बेगोबेग घडणुके सुवातेर पावले. 10 सप्टेंबराक काणकोणचे मुळावे शाळेंत वर्ग सुरू आसतना एका शिक्षकाचेर फॅन पडपाची घडणूक घडिल्ली. हे घडणुकेंत शिक्षकाक दुखापत जावंक ना. सरकारी शाळेंत असो अपघात जाल्ल्यान शाळेच्यो इमारती आनी सुविधांच्या सुरक्षिततायेचेर प्रस्न निर्माण जाला.
फॅन लायतना तो सारको लावंक ना वा ताचो दर्जो बाबत आसतलो, अशें पालकांनी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
