पर्येंचे भुमिका देवीचो कालो मनोवपा वेल्यान जाल्लो वाद शांत, देवदर्शनाक सुरवात

भांगरभूंय | प्रतिनिधी

वाळपय ः पर्येंचे भुमिका देवीचो कालो मनोवपा वेल्यान महाजन आनी सेवेकऱ्यां मदीं तणाव निर्माण जाला. हें फाटभूंयेर त्या वाठारांत व्हड प्रमाणांत पुलीस बंदोबस्त तैनात केला.
गांवकार आनी राणे ह्या दोनूय समाजांक पुलिसांनी देवळाचे गर्भकुडींत प्रवेश करपाक दिवंक ना. ताका लागून गांवकार समाजाचें लोक देवळांच्या हॉलात ‘आमचो मान आमकां जाय’ अश्यो घोशणा दित आंदोलन करपाक बसल्यात. तांणी न्याय दिवपाची मागणी केल्या.

आयज १५ आनी फाल्या १६ अशें दोन दीस मेळून पर्येंच्या भुमिका देवाचो कालो आशिल्लो. आयज कालो जाल्यार फांल्या गवळण कालो मनयतात. पूण ताचे आदीं महाजन आनी सेवेकऱ्यां मदीं तणाव निर्माण जाला. पुलीस परिस्थीती नियंत्रणांत हाडपाचो यत्न करतात. पूण ह्या वेळार पुलिसांचे गुंडे मारिल्ल्याचें कळटा. पर्येंच्या भुमिका देवळाच्या काल्या वयल्यान सुरू जाल्लो वाद हिंसक जालो. हांतूत सुमार २० जाण जखमी जाल्यात. एका गटांतल्या कांय जाणांनी कदेलां, गुंडे मारिल्ल्याचें कळटा. हांतूत जखमी जाल्ल्यांक हाॅस्पिटलांत व्हेल्यात.

कांय काळा उपरांत भुमिका देवळाच्या काल्या वयल्यान सुरू जाल्लो हो वाद शांत जालो. उपरांत देवदर्शनाक सुरवात केली. पूण पुलिसांचो कडक बंदोबस्त दवरला. ही म्हायती थळावी आमदार देविया राणे हांणी दिली.