भांगरभूंय | प्रतिनिधी
पर्यावरण म्हणल्यार आमच्या भोंवतणी आशिल्लो निसर्ग जावं आमी अशें म्हणपाक शकतात की आमच्या भोंवती आशिल्लो वारो, उदक, माती आदी. म्हणल्यार पर्यावरण पृथ्वी हो एकूच असो ग्रह आसा जाचेर जगपा सारकें वातावरण आसा. पर्यावरणा शिवाय आमी हांगच्या जिवनाचो अदमास लावूंक शकनात. जिवनाची शक्यताय वाडोवपा खातीर आमी आमच्या पर्यावरणाची राखण करपाक जाय आनी आमचें पर्यावरण नितळ निवळ दवरपाक जाय.
पर्यावरण हें आमच्या खातीर खूब म्हत्वाचें. ताची काळजी घेवप ही आमची सगळ्यांची जापसालदारकी. पर्यावरण सारकें दवरीत जाल्यार आमचें जिवीत बरें उरतलें. ताका कश्ट दिल्यार आमकां सगळ्यांक कश्ट जातलो.
मनशाक देवान पृथ्वीचेर निर्माण केल्लो मनीस हो सगळ्यांत हुशार प्राणी अशें म्हणटात. म्हणून ताका संवसारांतल्यो गोश्टी जाणून घेवपाची खूब उत्सूकताय आसता आनी मनशांनी खुबश्या वस्तूंची उदरगत केल्या. आनी जशी जशी विज्ञानाची उदरगत जावपाक लागली तशी तशी मनशाची सुखाची आशा वाडपाक लागली. रसायनीक सार्याचो हिसपा भायर वापर करतात. भलायकेक वायट रसायनाचो वापर करून तयार केल्लें सारें भाजी, पाल्यांनी, फळांनी घालतात. तांचें पीक बेगीन जावपाक लागून आनी ती भाजी, फळां आमी
खातात अशे तरेन ती आमच्या पोटांत वता आनी आमचे भलायकेक ते घातक आसता. हाका लागून मनशाक वेगवेगळीं दुयेसां जातात.
मनीस पर्यावरण नश्ट करीत आसा. वारो, उदक, प्रदुशीत करीत आसा. अशें जायत रावलें जाल्यार एक दीस तें जिविता खातीर घातक जातलें. कारखान्यांत निर्माण जावपी धुवर, निसर्गीक
वार्याक प्रदुशीत करता आनी
प्रत्येक वेळार स्वास घेतना तें आमच्या आरोग्याचेर मोट्या प्रमाणान परिणाम करता.
पर्यावरणाची सारकी काळजी घेनासल्या कारणान वातावरणांत बदल येता, आतां सुद्दां तेंच जायत आसा. वातावरणांत बदल जाला. केन्नाय पावस, केन्नाय गरमी, केन्नाय थंडी. पयलीं जशें वातावरण आसलें तशें आतां गोंयांत ना. हवामान सामकें बदल्लां. पयलीं सारकें ना. आनी ताच्या खातीर मनशाची भलायकी इबाडटा. मनीस बरो ना जाता. पर्यावरणाची सारकी
काळजी घेना म्हणून हें जाता. प्रदुशण, झाडां कापप अश्या समस्यांचेर तोड काडप गरजेचें आसा. ताच्या खातीर समाजीक, शिक्षणीक तशेंच सरकारी पातळीचेर पर्यावरणाची राखण करपाची येवजण केली तर आमच्या सरभोंवतणी एक सुंदर आनी निवळ नितळ पर्यावरणाची अपेक्षा आमी करपाक शकतात.
सोईल नायक
यत्ता अकरावी, चंद्रभागा तुकोबा नायक उच्च माध्यमीक विद्यालय, कुडचडें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
