भांगरभूंय | प्रतिनिधी
डाॅ. प्रमोद सावंत ः दत्तवाडी – सांखळे मनयलो वनमहोत्सव
भांगरभूंय प्रतिनिधी
दिवचल ः पर्यावरणाचें रक्षण करप ही दरेका मनशाची जापसालदारकी थारता. पर्यावरण सांबाळप ही आपली लागणूक अशें समजून दरेका मनशान पर्यावरणाचेर हावळ येवची ना हाची जतनाय घेवंक जाय अशें मुख्यमंत्री डाॅ. प्रमोद सावंत हांणी सांगलें.
दत्तवाडी-सांखळे वाठारांत गोंय सरकाराच्या वन विभागान घडोवन हाडिल्ले वनमहोत्सव कार्यावळींत ते उलयताले. ह्या वेळार मुख्यमंत्र्यां वांगडा वन खात्याचे मुखेल प्रधान वनपाल केशव कुमार, उपवनपाल विशाल सुर्वे, विभागीय वन अधिकारी मंगलदास देवसेकर, देवस्थानाचे पदाधिकारी आदी मानेस्त उपस्थीत आसले.
पर्यावरण रक्षणा खातीर दरेका घरांतल्यान यत्न जावंक जाय. रोंपां लायात, रोंपां जगयात ही घोशणा फकत कागदाचेरूच दवरिनासतना दरेका घटकान ती आपली जापसालदारकी म्हणून स्विकारची अशें डाॅ. प्रमोद सावंत हांणी सांगलें.
झाडांची जतनाय घेवची आनी पर्यावरणाचो समतोल राखपा खातीर समाजीक बांदिलकेचे भावनेंतल्यान योगदान दिवचें अशें आवाहनूय डाॅ. सावंत हांणी केलें. ह्या वेळार मुख्यमंत्री डाॅ. प्रमोद सावंत हांचे हस्तुकीं दत्तमंदिर वाठारांत रोंप लायलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
