भांगरभूंय | प्रतिनिधी
भांगरभूंय । प्रतिनिधी
म्हापशेंः राज्य सरकाराच्या पर्यटन जेटी धोरणाक मडयें कोमुनिदाद वेवस्थापकीय समतीन खऱ विरोध केला. ते संबंदी थाराव पास करून तांणी तो पर्यटन खात्याक सादर केला. मयड्यांत जावपाक घातिल्ले पर्यटन जेटीक समितीन आक्षेप घेतला. पर्यटन जेटीच्या स्वरुपात मयडें गांवांत कसलोय प्रकल्प हाडचो न्हय अशी विनवणी तांणी केल्या.
फाटल्या जायत्या पिळग्यां सावन मयडें कोमुनिदादचे गांवकार आनी जमनीचो जोड धनी हांगचे दोंगोर, मेकळी सुवात, भातशेंता, बांद हांचे धनी आसात. आमी मयडेचे मूळ वांशिक लोक आसात. आमच्या गांवांत केंद्र सरकार वा राज्य सरकाराक खंयचीय जमीन दिल्ली ना अशें समितीचो अध्यक्ष रुई द गामा हांणी पर्यटन खात्याक सादर केल्ल्या निवेदनांत नमूद केलां.
आमी तुमकां आमच्या बांदार व न्हंयचे देगेक जेटी बांदपाक परवानगी दिवपाक शकनात, कारण ह्या प्रकल्पाक लागून हांगा चलता ते नुस्तेंमारीचेर परिणाम जावपाक शकता. शिवाय पर्यटकांचे येवप-वचप वाडल्यार गांवांतली शांतता इबाडपाक शकता. आवाजा प्रदूशण, कोयराची समस्या उप्रासपाक शकता. तशेंच घुंवळी वखदां, शिंदळी वेवसाय हे सारक्यो वायट जगाली गांवांत पावपाक शकतात अशें निवेदनात म्हणलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
