भांगरभूंय | प्रतिनिधी
पणजी: देशी तशेंच विदेशी पर्यटकांचें भारतांतलें गोंय राज्य हें आकर्शण. मात सध्या गोंयांत पर्यटकांचो उणाव जाणवपाक लागला. गोंयांत सध्या म्हारगाय वेगान वाडत चल्ल्या. हाचो परिणाम पर्यटकांचेर दिसून येता. ‘हॉटेल- टॅक्सीचो दर परवडनाशिल्ल्यान पर्यटक गोंयांत येवपाक पळयनात. देशी तशेंच विदेश पर्यटक गोंयांत येवचे परस श्रीलंका, थायलॅण्ड, व्हिएतनाम आनी इंडोनेशिया ह्या देशांनी वतात’, अशे तरेचो प्रचार रिल्स वा व्हिडियो वरवीं सोशल मिडियावेल्यान करपाचो यत्न खुबश्या जाणांनी केला. अशें कांयच गोंयांत घडना, हो टूल किटाचो प्रकार, अशें मतूय कांय गोंयकारांनी उक्तायिल्लें. आतां असोच एक प्रकार परत दिसून आयला. एक पर्यटक रिल्सा वरवीं ‘गोंयचे टॅक्सीकार घेतात ते भाड्याचे दर पर्यटकांक परवडनात,’ अशें म्हणटा.
हो पर्यटक त्या व्हिडियोंत कितें म्हणटा तें पळोवपाक दिल्ल्या लिंकाचेर क्लीक करात : https://www.facebook.com/reel/563906403330546
सोशल मिडियावेल्या ’त्या’ व्हिडीओंत पर्यटकान ’गोंय टॅक्सी माफिया’च्या मुद्यां सयत आपल्याक आयिल्ले वायट अणभव शेअर केल्यात. ’८ ते १० किलोमीटर सारकिल्ल्या उण्या अंतराच्या प्रवासा खातीर जर तुमकां ३२०० रुपया खर्च करचे पडटात जाल्यार गोंयांत कित्याक येवपाक जाय?’ असो प्रस्न ह्या पर्यटकान व्हिडिओ वरवीं विचारला. गोंयांत येरादारीची योग्य आनी परवडपा सारकी सेवा ना अशें तों म्हणटा. टॅॅक्सीचाल त्रास आनी चड पयशे घेता अशी त्या पर्यटकान कागाळ केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
