भांगरभूंय | प्रतिनिधी
भांगरभूंय । प्रतिनिधी
म्हापशेंः खोब्रावाडो बागा- कळंगुटे हांका केरळच्या चार पर्यटकांक आडावन तांका मारपेट करून तांचे कडल्यान 1.80 लाख रुपया मोलाचे मोबायल झोमून व्हरपी कर्नाटकांतल्या गदग हांगच्या चारांतल्या तीन दुबावितांक कळंगुटे पुलिसांनी अटक केली. श्रीनिवास सोमाप्पा लमाणी (24), शीव भिमाप्पा लमाणी (22) आनी अखिलेश हनुमंताप्पा चव्हाण (19) अशी तांची नांवां आसात.
फाटल्या सोमारा फांतोडेर ही घडणूक जाली. केरळचो पर्यटक अशील जॉन्सन व्हो आपल्या तीन इश्टां वांगडा आपल्या हॉटेलांत वतालो त्या वेळार ओशियन शॅक रेस्टारंटा लागी दुबावितांनी तांका आडावन मारपेट करून ताचे मोबायल चोरले. मारपेटीन पर्यटकांक किरकोळ दुखापत जाली.
कळंगुटे पुलीस स्टेशनांत कागाळ करतगीर तांणी वेगवेगळे पद्दतीन तपास करून तिग दुबावितांक अटक केली, एकलो फरार जाला. पुलीस निरीक्षक दत्तगुरू सावंत हांच्या मार्गदर्शना खाला ही कारवाय केली,
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
