भांगरभूंय | प्रतिनिधी
पणजी : मोरजी दर्यादेगेर पर्यटकांचीं फकांडां करपी आनी तांकां अश्लील वागणूक दिवपी एका युट्युबर आड मांद्रें पुलिसांनी गुन्यांव नोंद केला. GudduVlogs7 ह्या युट्युब आयडीचो वापर करपी दुबावितान विदेशी आनी भारतीय पर्यटकांक त्रास दिल्ल्याची कागाळ आयले उपरांत पुलिसांनी ही कारवाय केली.हे घडणुकेक लागून दर्यादेगेवेल्या पर्यटकांच्या सुरक्षिततेचो प्रस्न परत मुखार आयला.
हे विशीं चड म्हायती प्रमाण, दुबावीत युट्यूबरान मोरजे दयारदेगेर पर्यटकांच्या प्रायव्हसींत हस्तक्षेप करून तांकां आडावन दवरले. तांणी भौशीक सुवातेर बोवाळ केलो आनी पर्यटकांक त्रास दिले. विशे म्हळ्यार, त्या मनशान पर्यटक बायलेचे अयोग्य तरेन फोटो आनी व्हिडियो बळयां काडिल्ल्याचो गंभीर आरोप कागाळींत केला. भौशीक सुवातेर बायलांक पळोवन अश्लील कमेंट करप आनी तांचे विनयशीलतेचो अपमान केल्ल्या प्रकरणांत पुलिसांनी हाची दखल घेतल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
