भांगरभूंय | प्रतिनिधी
पणजी: अॅड. यतीश नायक हांणी बरयल्ल्या ’फ्लेम ऑफ वर्ड्स- शब्दजोत’ ह्या द्विभाशीक कविता संग्रहाचें प्रकाशन श्री गोकर्ण पर्तगाळ जिवोत्तम मठाधीश श्रीमद् विद्याधीश तिर्थ श्रीपाद वडेर स्वामीजी हांचे हस्तुकीं जालें.
पर्तगाळ मठ संकुलांत आयोजीत परम पूज्य श्रीमद् विद्याधिराज तिर्थ श्रीपाद वडेर स्वामीजी हांच्या दुसर्या पुण्यतीथी वेळार ही कार्यावळ जाली.
ह्या वेळार मठाच्या केंद्रीय समितीचे अध्यक्ष श्रीनिवास धेंपे, उपाध्यक्ष आर. आर. कामत, शिवानंद साळगांवकार, आदले मुख्यमंत्री तशेंच आमदार दिगंबर कामत आनी हेर मानेस्त हाजीर आशिल्ले.
ह्या पुस्तकांत इंग्लीश आनी कोंकणी भाशेंतल्यान बरयल्ल्या 51 कवितांचो आसपाव आसा. ब्रॉडवे पब्लिशींग हावस हे ह्या पुस्तकाचे प्रकाशक जावन आसात.
अॅड. यतीश नायक हांचें पयलें पुस्तक सुशासनाचेर केंद्रीत, ‘लोकाभिमूख सुशासना वाटेन’ हें कोंकणी भाशेंत आशिल्ल्यान तें 2018 वर्सा प्रकाशीत जाल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
