भांगरभूंय | प्रतिनिधी
पणजी: 550 वर्सां पुराय जाल्ल्या सुवाळ्याच्या येसस्वी समारोपा उपरांत श्री संस्थान गोकर्ण पर्तगाळी जिवोत्तम मठाचो वाठार, तशेंच नवीच स्थापन केल्ली श्रीराम मुर्तीच्या भोंवतणच्या वाठारा सयत, उरिल्लीं बांधकाम आनी हेर कामां आतां परत सुरू केल्यांत. पुराय प्रकल्प सुवेवस्थितपणान पुराय जावपा खातीर हीं कामां गरजेचीं आसात. ताका लागून
मठाचो वाठार आनी श्रीरामाचे मुर्ती भोंवतणचो वाठार 2 जानेवारी 2026 सावन फुडले सुचवणे मेरेन सगले भावीक, पर्यटक आनी हेरां खातीर तात्पुरतो बंद आसतलो.
वैयक्तीक सुरक्षितते खातीर आनी उरिल्लीं कामां सुरळीत जावचे खातीर भावीक, पर्यटक आनी हेरांक ह्या काळांत मठाच्या वाठारांतली श्रीराम मुर्ती पळोवपाक भेट दिवची न्हय अशें आवाहन केलां.
हे विशीं आमी भावीक आनी हेरांची भावना पुरायेन समजून घेतात. पुराय प्रकल्पाचे उदरगती खातीर आनी सगल्यांचे सुरक्षितताये खातीर हो तात्पुरतो खंड घालप गरजेचें जालां. हे मागणेक सगले भावीक मान दितले हो आमकां विस्वास आसा. वयलीं सगलीं कामां पुराय जाले उपरांत एक स्वतंत्र सुचवणी जारी करतले, अशें संस्थानाचे बांदकाम समितीन कळयलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
