परिक्षेचीं परबीं

भांगरभूंय | प्रतिनिधी

फेब्रुवारीचे 28 तारखेक बारावेची परिक्षा सुरु जाता ही त्या विद्यार्थ्यांची दुसरी भौशीक परिक्षा. एके परिक्षेचो तांकां अणभव आशिल्ल्या कारणान तितलो ताण आसचो ना, अशें आमी धरूया. गोंयांत दुसरे बोर्ड जरी आसले तरी चडशे विद्यार्थी हे गोंय शालांत मंडळाचे परिक्षेक बसपी आसतात. आमचे भोवमानादीक प्रधानमंत्री नरेंद्र मोदीजींचो सातवो परिक्षा पे चर्चा कार्यक्रम
पळयला आसतलो तांकां तांणी परिक्षे कडेन कशें पळोवपाचें ही
नदर दाखयली. खरें तर विद्यार्थ्यांक नोकरी लागता मेरेन खंयची ना खंयची परिक्षा दिवची पडटा, मागीर ताण कित्याक घेवपाचो? आमी लग्नाक, फेस्ताक, जात्रेक वतात, तेन्ना आमचेर ताण आसता? आमी परिक्षेक उत्सव ह्या नात्यान पळयली जाल्यार बरेंच काम सोंपें जातलें?
आमचे भोवमानेस्त प्रधानमंत्री नरेंद्र मोदीजी हांणी आपले परिक्षा पे चर्चा कार्यावळींत भुरग्यांक सतावपी मुद्दे वडिलकीच्या नात्यान घेवन भासाभास केली आनी आमचो सगल्यांचें वजें खूब कमी केलें. सद्याचे उद्देग आसात तांच्या लेगीत समस्या आसात. ती म्हणल्यार पयसो कसो करप. ह्या निमतान ती संदीय मेळूं शकता. जो कर तांकां दिवचो पडटा, तो चड आसा, अशें कांय जाणांचें म्हणणें आसा. खंयचोय वेवसाय सुरू करचे वीज, उदक, जमीन जाय. वीज आनी उदका खातीर आमकां शेजराच्या राज्यांचेर निंबून रावचें पडटा हें आमी विसरूंक शकना. आतां तर पर्यावरणाकूय खूब म्हत्व दितात. आमच्या गोंयांत सरबराय, लाॅजिस्टिक, वखदां कारखाने हातूंत खूब नोकऱ्यो मेळूं शकतात. हाका फाव तो उमेदवार तयार करपाचें शिक्षण विद्यार्थ्यांनी घेवपाक जाय.
जायत्या जाणांक मुलाखत कशी दिवची, हाचें मार्गदर्शन दिवपाचें काम जावंक जाय. नोकरी करपाक सोदता, त्या फांट्याची बारीकसाणेन म्हायती आसप गरजेचें. गोंयात आतां कितल्योश्योच शिक्षणीक कार्यावळ आयोजीत केल्यात. 26 फेब्रुवारी ते 1 मार्च मेरेन गोंय विद्यापीठान अवकाश विज्ञान परिशद आयोजीत केल्या. ह्या वेळार तुमकां इस्रोचे अध्यक्ष, आदले अध्यक्ष, व्हडले- व्हडले शास्त्रज्ञ, चांद्रयान मोहिमेंत वांटेकार जाल्ले वैज्ञानीक, डाॅ. शैलेश नायक हांकां मेळपाक मेळटलें. तांचे विचार आयकुपाक मेळटले. 28 तारीख ही विज्ञान मळाक म्हत्वाची, हें तुमकां खबर आसतलेंच. खास करून अवकाश विज्ञाना भितर जांकां करियर करपाचें आसा, तांचे खातीर ही भांगराची संद.
हे परिशदेत तुमी हाजीर रावपाक शकतात. ताचे भायर
डॉ शेखर मांडे, ए एस किरणकुमार हांचीं भाशणां सांखळे
आनी फोंड्यां सांजवेळा साडेचारांक जावपाचीं आसात. ताचेरुय लक्ष आसूं दी. देशभरांतले साठ विद्यार्थी हातूंत वांटेकार जातले,
जातूंत गोंयचे 15 आसतले. तशेंच इस्रोची मोहीम दाखोवपी प्रदर्शनूय जातलें.
कांय वेळार एखाद्या करियराचो विचार लेगीत हातूंतल्यन सुचूं शकता. हालींच भोवमानेस्त अर्थमंत्री निर्मला सीतारमण हांणी देशाचें बजेंट मांडलें. तिणें नवें वैजकी म्हाविद्यालय सुरू करतले. तशेंच सात नव्या आयआयटी, तितल्योच आयआयएम उक्त्यो करतले, हाची म्हायती दिली. हाचो लाव विद्यार्थ्यांक जातलो. ह्या माध्यमांतल्यान शिक्षणीक संकेतथळाची म्हायती घेवं शकतात. तशेंच तुमच्या अभ्यासक्रमांत आसपी वेगवेगळ्या विशयांची म्हायती तुमी मोबायल फोन वा संगणकाचे मजतीन घेवं शकतात. पयलें आनी दुसरें संवसारीक म्हाझूज तशेंच भारतांत जाल्लीं चीन आनी पाकिस्ताना आडचीं झुझां हाची म्हायती तुमकां जाय ती मेळपाक शकतात. झुजाचीं कारणां कळपाक शकतात.

प्रा रामदास केळकार
9822583275