भांगरभूंय | प्रतिनिधी
पेडणें : परास्टे पेडणेंच्या सरकारी मुळाव्या विद्यालयांत गोपाळकाल्या निमतान धंयाहांडी कार्यावळ उमेदीन मनयली.
हे कार्यावळीक सगले विद्यार्थी, पालक, शाळा वेवस्थापन समितीची उपाध्यक्ष कविता यशवंत हरमलकार, पालक शिक्षक संघाची उपाध्यक्षा अश्विनी लक्ष्मण पराष्टेकार, आदले विद्यार्थी विनोद चिंचकार, पालक भगवान शेटकार, नवसो आंबेकार, सुवर्णा मयेंकार, सुजाता हरमलकार, सप्नाली आरोलकार, दिया अमेरकार, रुपाली मयेंकार, खेता नायक, सातावळेकार, अमीत आरोलकार, नरेश मयेंकार, सुनंदा वेंजी, मुख्याध्यापिका राजश्री वेंगुर्लेकर, शिक्षिका नायक, शिक्षिका गौरी नार्वेकार, अमृता, शिक्षक रघुनाथ नायक, अमृता सातावळेकार उपस्थीत आशिल्ले.
कार्यावळीची सुरवात सोयऱ्यांक फुलां भेटोवन येवकार दिवन जाली. ते उपरांत शिक्षक रघुनाथ नायक हांणी कृष्ण जल्माश्टमी निमतान भुरग्यांक म्हायती दिली.
ह्या वेळार भुरग्यांनी राधा आनी कृष्ण हांची वेशभुशा सादर केली. तशेंच राधाकृष्णाचेर आदारीत नाच सादर केलो. तेचवरी ‘गोवर्धन पर्वत’ ह्या विशयाचेर नाटकुलें सादर केलें.
धंयाहांडी फोडपाचे कार्यावळींत सगल्या भुरग्यांनी वांटो घेवन खोस मनयली. कार्यावळीच्या निमाणे कडेन सगल्या भुरग्यांक खावपाक दिवन कार्यावळीची सांगता केली. मुख्याध्यापिका राजश्री वेंगुर्लेकर हांणी सुत्रसंचालन केलें आनी उपकार मानले. कार्यावळ येसस्वी करचे खातीर शिक्षिका गौरी नार्वेकार हांणी विशेश मेहनत घेतली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
