भांगरभूंय | प्रतिनिधी
-नगरपालिका घनकोयर पोटनेम अधिसूचीत
पणजी: नगरपालिकेच्या परवानगी घेनासतना भौशीक कार्यावळींचे आयोजन केले जाल्यार घनकोयर पोटनेमा प्रमाण 10 हजार ते 50 हजार रूपया मेरेन दंड जातलो. गोंय नगरपालिका कायदो 1968 खाला शार उदरगत खात्यान घन कोयर वेवस्थापन पोट नेम तयार केल्या. ह्या पोटनेमांत कोयर एकठांय करपा खातीर शुल्का सयत नेम मोडल्यार दंडाचें शुल्क निश्चित केलां.
पालिका वाठारांत पालिका वा संबंदींत यंत्रणेचो परवानो नासताना भौशीक मेळावो वा कार्यावळ आयोजीत केली जाल्यार पयले खेपे 10 हजार रुपयांचो दंड भरचो पडटलो. दुसरे खेपे परवानो घेनासताना मेळावो वा कार्यावळ आयोजीत केली जाल्यार 30 हजार रुपया दंड आनी फुडले खेपे नेम मोडपा खातीर 50 हजार रुपयांचो दंड भरचो पडटलो.
नगरपालिका कायद्या खाला शार उदरगत खात्यान घनकोयर पोटनेम अधिसूचीत केल्या. ह्या नेमा खाला कोयर एकठांय करपी एजन्सीचें शुल्क निश्चीत करपा सयत नेम मोडप्यां खातीरचो दंड लेगीत निश्चीत केल्या.
ए गटांतल्या नगरपालिकां खातीर म्हयन्याक कोयर एकठांय करपा खातीर 75 रुपया, बी गटांतल्या पालिके खातीर 60 रुपया जाल्यार सी गटांतल्या पालिके खातीर 45 रुपया आसा. रस्तया वयले विक्रेते, कार्यालयां, कारखाने, पार्टी, ब्युटी पार्लर, हॉटेल/रेस्टॉरंट, नुस्ते विक्रेते हांचे खातीर तरेकवार शुल्क आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
