भांगरभूंय | प्रतिनिधी
लश्करांत युवकांनी व्हडा संख्येन येवचें म्हूण फाटीं केंद्र सरकारान ‘अग्नीवीर’ ही येवजण हाडिल्ली. जायत्या तरणाट्यांनी तिचो लाव घेतलो. कांय जाणांनी दुबाव घेतलो. हे येवजणेंत वांटेकार जावपी तरणाट्यांक लश्कराचें प्रशिक्षण मेळटलें, खेरीज चार वर्सां उपरांत तुमकां तुमचे पयशे आनी सरकार दिता ते पयशे मेळटलें. तुमी जर बरी कामगिरी दाखयली तर लश्करांत काम करपाची आनीक एक संद तुमकां मेंळू शकता. बरेच फावटीं मार्गदर्शन नाशिल्ल्या कारणान गैरसमजुती पातळटात आनी लश्करांत वचपाक जायते जाण फाटीं, फुडें जातात. हाका लागून लागीं सुरु जाल्ल्या अकादमीचो तुमी लाव घेवं शकतात. ते अकादमीचें नांवूच जावन आसा, परमवीर डिफेन्स अकादमी. हातूंत तुमकां लश्करातले भोवतेक फांटे शिकपाक मेळटले, खेरीज ही अकादमी लागींच्या बेळगांवी शारांत सुरु जाल्ल्या कारणान तुमी तिचो लाव घेवं शकतात
शाळांनी लश्कराची म्हायती मेळटलीच हाची खात्री नासता, आता संकेतस्थळा वरवीं तुमकां म्हायती मेळू शकता, पूण प्रत्यक्ष म्हायती घेवप हातूंत विद्यार्थ्याक चड उत्सुकताय. आतां हो वावर अकादमीन जावं शकता. तुमचे दुबाव तुमी पयस करूं शकतात; एक म्हळ्यार अनुभवी तज्ञ हातूंत आसतात तुमच्या लक्षांत चड फावट आयलां आसतले की एखादे नोकरेची जायरात दिसाळ्यान दिसली काय ते तारखेक मागीर पावस आसूं वा कडकडीत निबर, थंय गर्दी जाता. तरणाट्यांच्या नदरेफुडें फक्त नोकरेचें लक्ष्य आसता, ताका तेन्ना देशसेवा, लोकसेवा हे शब्द दिसतातूच अशें ना. पूण जेन्ना तुमी अग्नीवीर हो कोर्स करून जर लश्करान आयले तर तुमकां सेवा करतां- करतां देशसेवा करपाची संद तर मेळटलीच, खेरीज तुमी अर्थीक नदरेन लेगीत पावलां उखलतले. लश्करांतले हे खातीरचें कुशळतायेचें प्रशिक्षण हें उंचेल्या पावड्या वयलें आसल्या कारणान तुमी आत्मनिर्भर नक्कीच जातले.
पयल्या वर्सा सावन तीस हजार, दुसऱ्या वर्साक 33 हजार, चवथ्या वर्साक 36,500 आनी निमण्या वर्साक 40 हजार मेळपाची हे येवजणीन तरतूद आसा. जेणे करून तुमचीं चार वर्सा पुरी जातकच तुमका इकरा लाख रुपया हातांत पडटले. अर्दी रक्कम सरकार तुमच्या खात्यांत घालतलो. अर्थांत ह्या बद्दलची
अधिक म्हायती तुमी मार्गदर्शका कडल्यान जरूर घेवची. येवजणेंत फरक पडटा, पडत आसता हाची म्हायती तुमकां थंय जरूर मेळूं शकता.
बरेच वेळा एखादो तरणाटो नोकरी आनी ती लेगीत सरकारी सोदता. ताच्या फाटले एक कारण म्हळ्यार सुरक्षा. (काय जण टीका करतात, की काम उणे आसता म्हूण ही पसंती) खरें फट देव जाणा, पूण लश्करा भितर तुमकां काम हें करपाकूच जाय.
सियाचेन ह्या थळार उणें तापमान आसता. ते सुवातीचेर गस्त घालपी सैनिकान जर आळस केलो तर सगळ्या देशाक ताचें लुकसाण सोंसचें पडटलें. प्रशिक्षणा वेळार ह्यो गजाली तुमका जरूर कळटल्यो. ही भावना लश्करा भितर सदाच आसता. प्रत्येक वर्सा ह्या फाट्यान भरती जायत आसता, कारण लश्कराक सदांच तरणाटे रगतूच जाय आसता. हातूंत तुमकां सुरक्षा मेळूं शकता, खेरीज अर्थीक लाव लेगीत मेळूं शकता.
तुमकां जर अग्नीवीर जावपाचें ना जाल्यार हेर फाट्यांचो विचार तुमी करूं शकतात. देखीक बॉर्डर सेक्युरिटी फोर्स, सी आर पी एफ, आसाम रायफल्स हांगाय संद मेळूं शकता. आमकां लश्कराची तशी म्हायती मेळटाच, अशें ना. हाका लागून गैरसमजुती अधिक पातळटात. लश्करांत काम केल्ले मनीस तुमकां सारकी म्हायती दिवं शकतले. अकादमी म्हळ्यार शाळाच. बेळगांवी तशें पयस ना, हाचो तुमी फायदो घेवं शकतात. चड म्हायती परमवीर डिफेन्स एस्पिरेन्ट्स अकादमी, 72045 74369, 90362 30469 ह्या नंबराचेर घेवं शकतात. तुमची उंचाय, नांव, सुवात पिराय सांगपाक विसरूं नाकात. लक्षांत दवरात, आताचें झूज हें बुद्धीचें, संगणका वरवीं जाता. हाका लागून कुशाग्र बुद्धीचे तरणाटे लश्करा भितर येवपाक जाय.
प्रा रामदास केळकार
9822583275
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
