भांगरभूंय | प्रतिनिधी
नवी दिल्ली, खबरां संस्था: परदेशांत रावपी भारतीयांनी २०२३ त १० लाख कोटी रुपया भारतांत धाडले. हे संवसारांत सगळ्यांत चड आसात. संवसारीक बँकेन ही म्हायती दिली. हेर देशां परस भारताची लोकसंख्या चड आसा, तशेंच हांगा गरिबी आसा. रोजगार, पगारुय उणो आशिल्ल्यान लोक परदेशांत वचपाची संदूच सोदीत आसतात.
परदेशांत जोडिल्ले पयशे देशांत परत धाडपाक मेक्सिकोचा दुसरा नंबर आसा. थंयच्या लोकांनी ५ लाख कोटी रुपया आपल्या देशांत धाडल्यात. हे वळेरेंत चीन ४ लाख कोटी रुपयां सयत तिसर्या, फिलिपायन्स ३ लाख कोटी रुपयां सयत चवथ्या आनी पाकिस्तान २.२ लाख कोटी रुपयां सयत पांचव्या नंबराचेर आसा. उणें उत्पन्न आशिल्ल्या आनी मध्यम उत्पन्न आशिल्ल्या देशांतल्या स्थलांतरितांनी तांच्या देशांत पयशे धाडिल्ल्याचें हे वळेरेंत दिसून आयलें.
२०२४ त हो आंकडो ३.७% न वाडून १०.३ लाख कोटी रुपयां परस चड जातलो असो अदमास संवसारीक बँकेन उक्तायला.
पाकिस्तांनी स्थलांतरितांनी १२% उणे पयशे धाडले
२०२२ त अनिवासी भारतीय पयशे घरा धाडपांत मुखार आशिल्ले. उपरांत ९.२८ लाख कोटी रुपया भारतांत धाडले. अंदूं पाकिस्तानान अडेज लाख कोटी रुपया धाडिल्ले. एका वर्सा उपरांत ते १२% उणे जाले. २०२१ उपरांत भारतीय स्थलांतरितांनी फाटल्या वर्सा सगळ्यांत चड रक्कम धाडल्या.
आखाती देशांनी युएई सोडून, भारतांत येवपी सगळ्यांत चड रुपया सौदी अरेबिया, कुवेत, ओमान आनी कतारांतल्यान आयले. जे २०२३ त आयिल्ल्या रुपयांतले सुमारे ११% आशिल्ले. २०२४त हें ३.७% वाडून १०.३ लाख कोटी रुपयां परस चड जातले असो अदमास संवसारीक बँकेन उक्तायला. तशेंच २०२५त तें ४% न वाडून १०.७ लाख जातलें.
भारतांतल्यान सगळ्यांत चड स्थलांतरीत कामगार वतात. हाचे वांगडा जोड अरब अमिराती, अमेरिका आनी सौदी अरेबिया सारकिल्ल्या देशांनी व्हडा संख्येन प्रवासी रावतात.
देश २०२२ (अब्ज डॉलर) आकडेवारी लाख कोटी रुपयांत
भारत: १११.२२ ९.२८
मॅक्सिको : ६१.१ ५.१
चीन : ५१.०० ४.२५
फिलिपाइन्स : ३८.०५ ३.१७
फ्रान्स : ३०.०४ २.५
पाकिस्तान : २९.८७ २.४९
इजिप्त : २८.३३ २.३६
बांग्लादेश : २१.५ १.७९
नायजेरिया : २०.१३ १.६८
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
