भांगरभूंय | प्रतिनिधी
म्हापौरपदाची माळ गळ्यांत पडपाचें निश्चीत
वावराक लागून उमेदवारांक जैत : बाबूश
उपम्हापौरपदा विशीं मात उमळशीक
भांगरभूंय । प्रतिनिधी
पणजी : पणजी म्हापालिकेचेर बाबूश मोन्सेरात प्रणीत भाजप पॅनलाक भोवमत मेळिल्ल्यान म्हापौरपदाची माळ परतून रहित मोन्सेरात हांच्याच गळ्यांत पडटली, हें निश्चीत जालां. गोपां कडल्यान ही म्हायती मेळ्ळ्या.
म्हापौरपद वेंचपाची प्रक्रिया अजून सुरू जावंक ना. पक्ष तशेंच वेंचून आयिल्ले नगरसेवक म्हापौरपदाचो उमेदवार निश्चीत करतले. आमी जो वावर केला ताका लागून आमचेर पणजेकारांनी विस्वास दाखयला, अशें रहित मोन्सेरात हांणी हे विशीं उलयतना सांगलें.
टुगेदर फॉर प्रॉग्रेसिव्ह पणजी पॅनलचे उमेदवार वावराक लागून वेंचून आयल्यात. तांची नेमणूक जावंक ना. जे कोण वेंचून आयल्यात तातूंतल्या एकाची म्हापौरपदा खातीर निवड जातली, अशें मंत्री बाबूश मोन्सेरात हांणी सांगलें. म्हापौरपदाचो निर्णय योग्य वेळार जातलो, अशें तांणी सांगलें. म्हापौरपद रहित मोन्सेरात हांकांच मेळटलें अशी म्हायती गोपां कडल्यान मेळ्ळ्या. उपम्हापौरपदा विशीं मात उमळशीक आसा. विठ्ठल चोपडेंकार, शुभम चोडणकार, कॅरोलिना पो आनी उदय मडकयकार हे चार आदले म्हापौर जैतिवंत जाल्यात. ज्येश्ठ नगरसेवकाक उपम्हापौरपद मेळपा विशीं चर्चा आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
