भांगरभूंय | प्रतिनिधी
-फुडल्या 2-3 म्हयन्यांत मेळटलो परवानोः अॅड. जनरल देविदास पांगमपणजीः राज्य सरकारान जिल्हो सर्वेक्षण अहवाल तयार केला. हाचे भायर राज्य सरकारान परंपरीक पद्दतीन रेंव वेवसाय सुरू करपा खातीर नवो पर्यावरण परवानो मेळोवपाचे यत्न सुरू केल्यात. ताका दोन ते तीन म्हयने लागतले अशें अॅडव्होकेट जनरल देविदास पंगम हांणी गोंय उच्च न्यायालयांत सांगलें. हाची दखल घेवन न्यायालयान ह्या संदर्भांत याचिकेचो निवाडो केलो.
ह्या प्रकरणांत कामुर्लें परंपरीक पद्दतीन रेंव काडपी मालक संघटणेन न्यायालयांत याचिका दाखल केली. तातूंत ताणें राज्य सरकार, खण संचालनालय, उत्तर गोंय जिल्होधिकारी आनी गोंय राज्य पर्यावरण परिणाम मूल्यांकन प्राधिकरण हांचे कडेन सुचोवणी केल्ली. ते प्रमाण शापोरा न्हंयेंतल्यान परंपरीक पद्दतीन रेंव काडपा खातीर गरजेची पर्यावरणीय मंजुरी मेळना असो प्रस्न मांडलो. न्यायालयान ही गजाल आयकले उपरांत सरकारान परंपरीक रेंव वेवसाय सुरू करपा खातीर नवो पर्यावरण परवानो मेळोवपाचे यत्न सुरू केल्यात. ताका दोन ते तीन म्हयने लागतले. ते उपरांत परंपरीक पद्दतीन रेंव वेवसाय करपाक परवाने दितले. ही म्हायती अॅडव्होकेट जनरल देविदास पंगम हांणी उच्च न्यायालयांत दिल्या. हाची दखल घेवन न्यायालयान याचिकेचो निवाडो केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
