भांगरभूंय | प्रतिनिधी
भांगरभूंय । खेळां मेज
पणजीः एस बी क्लब खड्डें बाळ्ळी- केपें ह्या गटाक 24 वर्सा पुराय जाल्ल्यान आयोजीत केल्ले पयले आदिवासी फुटबॉल सर्तींत कुळगती पुरुस झिल्तावाडी पंगडान सप्तकोटेश्वर कर्वे पंगडाक हारोवन वस्तादपण मेळयलें.
हे आदिवासी फुटबॉल सर्तींत 40 गट पंगडानी वांटो घेतिल्लो. 13, 15 आनी 20 ऑगस्ट अशी तीन दीस बाळ्ळी सरकारी शाळा मैदान आनी काळसामळ मैदानार हे सर्तींतल्यो मॅची जाल्यो. फायनलीक मुखेल सोयरे म्हणून केपें मतदारसंघाचो आमदार एल्टन डिकॉस्ता मुखेल सोयरे म्हणून जाल्यार बाळ्ळीचो सरपंच गोविंद फळदेसाय, उपसरपंच बिंदिया गांवकार मानाचे सोयरे आशिल्ले. क्लबाचो अध्यक्ष राजू परवार, सचीव नंदेश वेळीप आनी भांडारी बिंदेश गांवकार हाजीर आशिल्ले.
गांवगिऱ्या वाठारांतलीं भुरगी खेळां मळार फुडें येतात. मात तांकां जाय तशी मैदाना मेळनात. तरीय ती खेळांत वांटो घेवपाक फाटी रावनात अशे आमदार डिकॉस्तान सांगलें. खेळा वरवीं भुरगी निरोगी जातात आनी आपलें जीण घडोवपाक शकतात अशें गोविंद फळदेसायान सांगलें. कार्यावळीचें सूत्रसंचालन रामा गांवकारान केलें. राजू परवारान उपकार मानले. बिंदिया गांवकारान सोयऱ्यांची वळख करून दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
